LAYINKI MOOTOOLLA 13:23 - Qullaawa Maxaafa

²³ Kaaliiqi kayinni shaqqillisinni mararinonsata ikkinnina techo geeshsha albisinni dihuninonsa. Hatto assinohu Abirihaami, Yisihaaqinna Yaiqoobi ledo eino gondoori daafira yeeti.

LAYINKI MOOTOOLLA 13:23 ပူးပေါင်းရင်းမြစ်များ

KALAQAMA 6:3

Kaaliiqi, «Ayyaani'ya mannu aana hegerera dihee'ranno; isi mannahona, dirisi 120 ikkanno» yii.

UMI MOOTOOLLA 8:28

Ikkirono, Kaaliiqa Magano'ya, maccakki ane soqqamaanchikki huuccatto widira qoli. Albakkiinni huucci'reemmo huuccattonna raare'ya macciishshie.

LAYINKI MOOTOOLLA 13:24

Sooriyu moote Azaheelino reenna, beettisi Benihadaadi isi darga moohi.

LAYINKI MOOTOOLLA 13:4

Hakkunni gedensaanni Iyoahaazi Kaaliiqa huucci'ri. Kaaliiqino Sooriyu moote Israeelete aana assino beebba lowo geeshsha batidhinota lae, Iyoahaazi huuccatto macciishshi.

LAYINKI MOOTOOLLA 14:26

Kaaliiqi Iyorbiaami kaa'linohu, Israeelete manni baalu wolaphinohuno borojjimma noohuno kaa'lannonsahu nookkiha shete noota afeeti.

LAYINKI MOOTOOLLA 14:27

Kaaliiqi Israeele Iyorbiaami widoonni qole gatisinohu co'o yite gooffara hasi'rinokki daafiraati.

LAYINKI MOOTOOLLA 17:18

Kaaliiqi Israeelete lowo geeshsha hanqe, Yihuda agure insa co'o asse huni.

LAYINKI MOOTOOLLA 17:20

Kunnira, Kaaliiqi Israeelete manna baala facci asse agurino. Albisinni co'o asse hunannohura mararannokki diinira sayise aatenni qorichishinonsa.

LAYINKI MOOTOOLLA 17:23

Kaaliiqi soqqamaanosi himanaanote widoonni qole kulinonsa garinni, albisinni co'o asse huninsa. Israeelete manni qafadame Asoori gobba ha'rinohu kunni garinniiti.

LAYINKI MOOTOOLLA 24:20

Kaaliiqi Yerusaalamennihanna Yihudu manna hanqe albisinni huni. Moote Sedeqiyaasino Baabilooni moote Nabukadanatsoorira mokkookki.

FAARSO 105:8

Gondoorosi hegerera, uyino hexxono kume ilama geeshsha agaranno.

FAARSO 105:9

Abirihaami ledo eino gondooronna, Yisihaaqira xaarino xaaro agaranno.

FAARSO 106:45

Insara yee gondoorosi qaagino; bagamannokkihu baxillisinni kainohunni mararinonsa.

FAARSO 51:11

Albikkinni huntootie; Qullaawa Ayyaanakki aani'yanni adhitootie.

FAARSO 78:38

Isi kayinni maarannoho; cubbonsa agurinonsata ikkinnina dihuninonsa; batinye hige hanqosi hoolino; duucha hige aarasi ittisino.

FAARSO 86:15

Mooticha'ya, ati maarattohanna mararattoho; hanqate muddamattokkiho; bagamannokkihu baxillikkinna halaalikki bati'raho.

FULO 33:19

Kaaliiqino, «Danchumma'ya leellisheemmoheta gaamaarreyya albakkiinni qole sayiseemmo; qullaawa su'ma'yano kuleemmohe; marareemmoha marareemmo; maareemmohano maareemmo.

ERMIYAASI 12:15

Tenne gosa buqqisummohu gedensaanni, galagale marareemmonsa; mitto mittonka iqqisiwanna gobbasiwa qoleemmo.

ERMIYAASI QURTO 3:32

Yannate geeshsha dadillisinkerono, gedensaanni bagamannokkihu baxillisi jawaata ikkinohura mararannonke.

LEEWAAWOOTA 26:42

Yaiqoobi, Yisihaaqinna Abirihaami ledo eoommo gondooro qaageemmo; ki'ne manni'yara baatto aammora coyi'roommo qaale haaroonseemmo.

MAATEWOOSI 25:41

«Hakkunni gedensaanni guraanni noorirano, ‹Ki'ne rumantinoonniri! Anewiinni xeertidhe! Sheexaanehonna sokkaanosira qixxeessinoonnitewa hegere giirawa hadhe!

MARRO 32:36

Wolqa noonsakkitanna mannu goofita afe, mannasi keereensanno; soqqantannosire baala mararannonsa.

LAYINKI TESELONQE 1:9

Insa Mootichu albinninna wolqaataamu ayirrinyisiwiinni baxxite, hegere qoricha adhitanno.

EJJEETTO 10:16

Hakkunni gedensaanni giddonsa noota allagga maganna hooltu. Kaaliiqano magansidhu; Kaaliiqino Israeelete gadado lae cinca hoogi.