LAYINKI MOOTOOLLA 11:18 - Qullaawa Maxaafa

¹⁸ Hakkunni gedensaanni baalunku marte Ba"aali galma diiggu; kakkalote darganna misilla baala cancantu; Maataani yinanniha Ba"aali qeesichano kakkalote dargira albaanni shitu. Qeesichu Yoodahe Qullaawa Mine agartannore wori.

LAYINKI MOOTOOLLA 11:18 ပူးပေါင်းရင်းမြစ်များ

UMI MOOTOOLLA 18:40

Eeliyaasino, «Ba"aali himanaano amadde! Mittuno gatoonke» yee hajaji. Mannuno himanaano gudise amadi. Eeliyaasino baalanka haa're masse Kiishooni Wayi eela gorrisiise gudi.

LAYINKI MOOTOOLLA 10:21

Iyu Israeelete gobba baalate manna soyenna, Ba"aalira soqqamanno manni baalu gamba yii; mittuno gatikkinni baalunku daye Ba"aali galma hicikki yee wo'mi.

LAYINKI MOOTOOLLA 10:25

Iyu kakkalo shiqishe ka"anni hee'renni agaraasinenna olantote roorroota, «E'ine shiiyye; mittuno gatoonke» yee hajaji. Insano bisensa fushshidhe e'e wo'manka shite guddu. Reeshsha baalanka goshooshshe gobbara fushshite galmu holgira sa'e,

LAYINKI MOOTOOLLA 10:26

kinchunni seekkinoonnita Ba"aali misile fushshite giirtu.

LAYINKI MOOTOOLLA 10:27

Kunni garinni Ba"aali misilenna galmasi diigge shumate ofollinanniwa assitu. Techo geeshshano hakko garinni no.

LAYINKI MOOTOOLLA 18:4

Dagate maganna magansi'nanni darguwa diigino; sooddiyyeno hiiqqaqqino; Asheera mokkollono cancanino. Muse camotenni seekkinotera Nehushita yinanni misile hamashshunnitera mannu hixaana giirino daafira cancane hunino.

LAYINKI MOOTOOLLA 23:10

Iyosiyaasi Hinoomi Lagichira nooha Tofeeti yinanniha dagate maganna magansi'nanni darga lageessi. Kunni garinni labbaaha woy meyata beettosi Molookira shilqishannohu hee'rannokki gede assi.

LAYINKI MOOTOOLLA 23:14

Iyosiyaasi sooddiyye hiiqqaqqino; Asheera mokkollo cancanino; insa uurrinsoonni darga, reyino manni miqqa duuni.

LAYINKI MOOTOOLLA 23:20

Iyosiyaasi hattenne gaarra aana magansidhanno qeesoota baala shee miqqansano kakkalote darguwa aana giiri. Konne duucha assihu gedensaannni Yerusaalame higi.

LAYINKI DUDUWO 21:17

Insano Yihudaho gaadde, mootete mine noo uduunne gudhitu. Iyoraamiha maa'niidi beetto Akaaziyaasi agurranna oososinna meentosi baala qafadde haadhe hadhu.

LAYINKI DUDUWO 34:4

Isi hajajino manni Ba"aaliha kakkalote darganna mulensa noota hixaana giirranni uduunne gudi. Asheera mokkollonna wole maganna baala cancante buko assite hatte magannara kakkalanno manni moogga aana fincitu.

LAYINKI DUDUWO 34:7

Aliyye Israeele giddo noota kaphu magannata kakkalote darguwanna Asheera mokkollo baala cancani; kaphu magannano cancane buko assino; hixaana giirrannihanna kakkalote uduunne huni. Hakkunni gedensaanni Yerusaalame higi.

FULO 32:20

Seekkidhino siitono haa're giire, cancane bullee asse wayinni bulbule Israeelete mannira hayikkisi.

ISAYAASI 2:18

Kaphu maganna co'o yite ba'anno.

MARRO 12:2

Baattonsa aaninni shorritinanni daga seeddaanna ilaallara, gaarratenna lattino haqqe hunda magannansa magansidhanno darga baala co'o assitine hunne.

MARRO 12:3

Kakkalonsa dargano diigge; kakka'litanno sooddiyye hiiqqaqqe. Asheera maganota mokkollose giirre. Sooddiyyese cancanne. Layinkimeeshsho magansi'nannikki gede su'mansano hakko darginni hunne.

MARRO 13:10

Borojjimmatenni Gibitsete gobbanni fushshino'nehu Magani'ne Kaaliiqiwiinni huna'nera hasi'rinona, reya geeshsha kinnatenni ganne.

MARRO 13:5

Gibitsete gobbanni borojjimmatenni wode fushshino'nehu Magani'ne Kaaliiqi aana bunshe assitinanni gede kayisanno'ne. Magani'ne Kaaliiqi doogonni wirri yitinanni gede assanno'nena, konne himanaanchonna haaqii'raancho shinona. Kunni garinni busha mereeri'nenni hunne.

MARRO 13:6

«Rodiikki, oosokki, woy baxattoti galtekki woy lubbote jaalikki, maaxame atewa daye atinna ate annuwa affinoonnikkita kaphu maganna magansi'ratto gede so'risiisahera wo'naaliro,

MARRO 13:9

Huluullamittokkinni hakkonne mancho shii. Iso shaate umi kincho ati oli. Hakkunni gedensaanni, mannu baalunku kinnatenni gane shoona.