LAYINKI MOOTOOLLA 11:17 - Qullaawa Maxaafa

¹⁷ Yoodahe, mootenna Yihudu gosa Kaaliiqi manna ikkate Kaaliiqi ledo gondooro e'anno gede assi; qoleno mannu mootete ledo gondooro eanno gede assi.

LAYINKI MOOTOOLLA 11:17 ပူးပေါင်းရင်းမြစ်များ

LAYINKI SAAMUEELI 5:3

Israeelete geerri baalunku Daawitiwa Kebirooni dagginohu kunniraati. Moote Daawitino Kebirooni Kaaliiqi albaanni insa ledo gondooro ei. Insano Daawiti buurte Israeelete moote assitusi.

LAYINKI MOOTOOLLA 11:4

Ikkollana lamalki diro qeesichu Yoodahe mootenna mootete mine agartannore roorroota ikkitinore baala Qullaawu Minira dagganno gede woshshiishe, isi hedino coyira sumuu yitanno gede xaarsiisinsa. Hakkunni gedensaanni Akaaziyaasi beetto Iyoaasi leellishinsa.

LAYINKI MOOTOOLLA 23:3

Iyosiyaasino kae mootete heelliicho mule uurre, wo'mu wodanisinninna wo'ma hedosinni Kaaliiqi yiino gede ikkate, hajajosi, wogasinna wodhosi agadhatenni maxaafu giddo borreessinoonnire wonshate gondooro ei. Mannu baalunkuno gondooro agadhate sumuu yii.

UMI DUDUWO 11:3

Israeelete geerri baalunku Daawitiwa Kebirooni dagginohu kunniraati. Moote Daawitino Kebirooni Kaaliiqi albaanni insa ledo gondooro ei. Insano Kaaliiqi Saamueeli widoonni qole coyi'rino garinni Daawiti buurte Israeelete moote assitusi.

LAYINKI DUDUWO 23:16

Yoodahe umisi, moote Iyoaasinna mannu Kaaliiqi manna ikkate gondooro eanno gede assi.

LAYINKI DUDUWO 29:10

Xaate kunni ka'a Kaaliiqi buwanno hanqosi aaninkenni hoolanno gede Israeelete Magani Kaaliiqi ledo gondooro eate murci're kaoommo.

LAYINKI DUDUWO 34:31

Iyosiyaasino kae mootete heelliicho mule uurre, wo'mu wodanisinninna wo'ma hedosinni Kaaliiqi yiino gede ikkate hajajosi, wogasinna wodhosi agadhatenni maxaafu giddo borreessinoonni coye wonshate gondooro ei.

IZIRA 10:3

Xaano ate seejjonna Maganinke hajajo waajjanno manni gede, konne meento oosonsa ledo ha'risate Maganinke albaanni xaarro. Konne coye Maganu seeri yaanno gede assino.

NEHIMIYA 9:38

Kunni garinni ninke Israeelete manni baalunku sheemaantummohu gedensaanni borreessineenna roorrootu, Leewaawootunna qeesootu farrantino.

ERMIYAASI 34:8

Sedeqiyaasi manna Borojjimmatenni fushshate Yerusaalamete manni ledo sumuu yiino.

LAYINKI QORONTOOSI 8:5

Insa assitinohu, ninke hendoommohura aleenniiti. Balaxxe insanaa Mootichaho uyitino; hakkiinni aanchite Maganu hedo garinni insanaa ninkera uyitino.

IYYAASU 24:25

Hakko barranni Iyyaasu Kaaliiqi su'minni mannu ledo gondooro ei. Hakko Sekeemi heedheenna galte hossannota woganna wodho kulinsa.

UMI SAAMUEELI 10:25

Saamueelino mootimmate hasiissanno wodhonna woga mannaho kulihu gedensaanni maxaafu aana borreesse Kaaliiqi albaanni Gondooru Taabooti mule wori. Hakkunni gedensaanni Saamueeli manna baalanka qae qaesi ha'ranno gede assi.