LAYINKI MOOTOOLLA 11:14 - Qullaawa Maxaafa

¹⁴ Hakkiichira iillitanno woyite haaru moote budu garinni Qullaawu Mini waalchira noo mokkollichi mule uurre nooha affu. Isono olu hajajaanonna xurumba ufuuffannori dukkisse noosi; mannu baalunku hagiidhe ilillisanni xurumba ufuufanni no. Ataaliyano masse uddanose darte, «Tini ganote! Tini ganote!» yite cancitu.

LAYINKI MOOTOOLLA 11:14 ပူးပေါင်းရင်းမြစ်များ

KALAQAMA 37:29

Roobeeli mare la"anno woyite, Yooseefi balete giddo dino; kunnira dadille uddanosi dari.

KALAQAMA 44:13

Insano masillunni uddannansa darte, baalunku ogorransa hogophite galagalte Yooseefiwa higgu.

UMI MOOTOOLLA 1:25

Kune techo Adooniyaasi lowo woraamma, harditino wodhanna ge'reewo gorre kakkalino. Jilahono oosokki, olantokki roorrootanna qeesicha Abiyaataari woshshino. Xa kune ittanninna agganni, ‹Moote Adooniyaasi seeda diro hee'ro!› yite weeddissanni no.

LAYINKI MOOTOOLLA 11:15

Yoodahe Qullaawu Mini qoqqowi giddo reyitannokki gede olu hajajaano woshshe, «Mereerinni fushshitine abbe; hoolara hedannoha affiniro shiiyye» yii.

LAYINKI MOOTOOLLA 23:3

Iyosiyaasino kae mootete heelliicho mule uurre, wo'mu wodanisinninna wo'ma hedosinni Kaaliiqi yiino gede ikkate, hajajosi, wogasinna wodhosi agadhatenni maxaafu giddo borreessinoonnire wonshate gondooro ei. Mannu baalunkuno gondooro agadhate sumuu yii.

LAYINKI MOOTOOLLA 9:13

Hakkawoyintenni ledosiri olu hajajaano aanaanni uddidhino imaana fushshite kaxxe fulanno dirimi aana kartu. Isono hakko uurranno gede assite xurumba ufuuffanni, «Iyu moohino» yite lallabbu.

LAYINKI MOOTOOLLA 9:23

Iyoraamino xooqara faradi gaaresi badhera qolanni hee're, «Akaaziyaasi, tini ganotewe!» yii.

UMI DUDUWO 12:40

Aliyyeenni hee'rannohu Yisaakoori, Zaabilooninna Nifitaalemi ga're manni harrete, gaalaho, gaangootahonna boottate lowo sagale: Bullee, balase, qeeqqitino laalo, woyinete xajjenna ejersu zayite hogowe haa're dayino. Qoleno gorrinanniha lowo lalonna ge'reewo haa're dayino. Kuni coyino gobbate noo manni hagiidhinota leellishanno.

LAYINKI DUDUWO 34:31

Iyosiyaasino kae mootete heelliicho mule uurre, wo'mu wodanisinninna wo'ma hedosinni Kaaliiqi yiino gede ikkate hajajosi, wogasinna wodhosi agadhatenni maxaafu giddo borreessinoonni coye wonshate gondooro ei.

LAWISHSHA 29:2

Keeraano gashshitanno yannara, mannu hagiidhanno; bushuullu gashshitanno yannara kayinni, mannu dadillanno.

LUQAASI 19:37

Yerusaalame iilla rahe, Ejedhete Ilaali eelallitte dirranni hee'reenna, hoodesi ha'ranni noo manni laino maalalenni hagiidhe lowo qoonqonni Magano galati.