LAYINKI MOOTOOLLA 10:26 - Qullaawa Maxaafa

²⁶ kinchunni seekkinoonnita Ba"aali misile fushshite giirtu.

LAYINKI MOOTOOLLA 10:26 ပူးပေါင်းရင်းမြစ်များ

LAYINKI SAAMUEELI 5:21

Filisxeemeno xooqqanni kaphunnita magannansa hunte hadhu. Hunte hadhinota magannansa Daawitinna ledosi manni dukke haadhe hadhu.

UMI MOOTOOLLA 14:23

Wole gobba maganna magansi'nanni darga seekkidhu. Gaarrate aananna sinnaame haqqe hunda magansidhanno sooddiyyenna Asheera mokkollo uurrisidhu.

UMI MOOTOOLLA 15:13

Ahaahesi Maaka Asheera maganota tiyyi'nanni misile seekkisiisidhino daafira mootimmatenni hoolinose. Seekkidhino misileno hiiqqaqqe Qedirooni Lagira masse giire hunino.

UMI MOOTOOLLA 16:32

Samaariyaho Ba"aalira galma mine, kakkalote dargano seekke masse hakkiicho worino.

LAYINKI MOOTOOLLA 11:18

Hakkunni gedensaanni baalunku marte Ba"aali galma diiggu; kakkalote darganna misilla baala cancantu; Maataani yinanniha Ba"aali qeesichano kakkalote dargira albaanni shitu. Qeesichu Yoodahe Qullaawa Mine agartannore wori.

LAYINKI MOOTOOLLA 18:4

Dagate maganna magansi'nanni darguwa diigino; sooddiyyeno hiiqqaqqino; Asheera mokkollono cancanino. Muse camotenni seekkinotera Nehushita yinanni misile hamashshunnitera mannu hixaana giirino daafira cancane hunino.

LAYINKI MOOTOOLLA 19:18

Maganna ikkitinokkita angansanni haqqenna kinna bocce seekkidhino misilla giirte huntino.

LAYINKI MOOTOOLLA 23:12

Yihudu moote Akaazi mootete mini aana minsiisino minna giddo Yihudu mootoolla seekkisiissinota kakkalote darguwanna lamunkura Qullaawu Mini nafara moote Minaase seekkisiisinota kakkalote darguwa baala diigino. Kakkalote uduunneno cancane masse Qedirooni Lagichira hunino.

LAYINKI MOOTOOLLA 23:4

Iyosiyaasi qeesootu roorricha Hiliqiya, kaa'litannosi qeesootanna Qullaawu Mini agaraasine Ba"aalita, Asheeratanna beeddahe magansi'rate shiqinshoonni uduunne baala Qullaawu Mininni fushshite huntanno gede hajaji. Mooteno hakkonne uduunne baalanka Yerusaalamete gobbaanni masse Qedirooni Lagichira giire buluulo Beeteli haa're ha'ri.

LAYINKI MOOTOOLLA 23:6

Asheera mokkollichono Qullaawu Mininni katamaho gobbaanni fushshe Qedirooni Lagichira masse giiri; daahe buko asse hirreeyyete giddo finci.

LAYINKI MOOTOOLLA 3:2

Isino Kaaliiqi giwannoha busha looso loosino. Ikkollana loosino bunshe annisi Akiaabitenna amasi Elzaabeelite gedeeta di"ikkitino. Annisi kinchunni seekkisiisinota Ba"aali misile hunino.

UMI DUDUWO 14:12

Filisxeemeno xooqqanni kaphunnita magannansa hunte hadhu; Daawitino magannansa giirre hunnanni gede hajaji.

LAYINKI DUDUWO 34:7

Aliyye Israeele giddo noota kaphu magannata kakkalote darguwanna Asheera mokkollo baala cancani; kaphu magannano cancane buko assino; hixaana giirrannihanna kakkalote uduunne huni. Hakkunni gedensaanni Yerusaalame higi.

ISAYAASI 27:9

Kunnira, Yaiqoobi ooso Israeele cubbinsara maaro afidhannohu, dagannita kakkalote kinna daakke bullee assite, hixaana giirranni uduunneno ikko Asheera mokkollo hoolturooti.

MARRO 7:5

Kunnira, assa hasiissanno'neri kunninni aane nooho: Kakka'litanno darga diigge; magansidhanno sooddiyye hiiqqaqqe. Asheera yinanni magano mokkollo murmurre; misillaseno cancanne.