LAYINKI MOOTOOLLA 1:4 - Qullaawa Maxaafa

⁴ Kunnira Kaaliiqi, ‹Reyattota ikkinnina digatatto› yiinohe yitine kullesi» yii. Eeliyaasino Kaaliiqi yiinosi gede assi.

LAYINKI MOOTOOLLA 1:4 ပူးပေါင်းရင်းမြစ်များ

KALAQAMA 2:17

Bushanna dancha bade afate egenno uyitanno haqqicho laalo kayinni ittooti; tenne haqqicho laalo itootto barra, halaalinta reyatto» yee kulisi.

KALAQAMA 3:4

Hamashshu qole manchote, «Reyo nafa direyitinanni;

UMI MOOTOOLLA 14:12

Akiya lede, «Xa ati ka'e minikkira ha'ri. Marte katama iillitanni heedheennanni qaaqqu reyanno.

UMI MOOTOOLLA 18:2

Eeliyaasino Akiaabira leellara fule ha'ri. Hatte yannara Samaariyaho hude lowo geeshsha batidhe no.

LAYINKI MOOTOOLLA 1:16

«Kaaliiqi, ‹Israeelete Maganu nookkihu gede kiirte, Eqirooni magano Bielizebuuli xa'mahera manna soqqootto daafira, reyattota ikkinnina digatatto!› yiinohe» yee kulisi.

LAYINKI MOOTOOLLA 1:5

Soqqino mannino galagale higeenna moote, «Hiitto ikkitine rakkine daggini?» yee xa'minsa.

LAYINKI MOOTOOLLA 1:6

Insano dawarte, «Doogote xaandoommohu mittu manchi galagalle atewa hingeemmo gedenna Kaaliiqi yiinore kulleemmohe gede hajajinonke. Isino, ‹Israeelete Maganu hoogeennaatini Eqirooni maganiwa Bielizebuuliwa manna soqqittohu? Kunnira reyattota ikkinnina digatatto yitine kullesi› yiinonke» yitu.

LAYINKI MOOTOOLLA 20:1

Hatte yannara moote Hiziqiyaasi lowo geeshsha dhiwame reyote gamba yee hee'reenna Isayaasi isiwa mare, «Kaaliiqi ‹Dhibbikkinni dihuratto; reyattoraatina minekki biddi assi'ri!› yiinohe» yee kulisi.

LAYINKI MOOTOOLLA 8:10

Elsaino, «Benihadaadi reyannota Kaaliiqi leellishinoe. Ati kayinni marte, ‹Huratto› yite kulisi» yii.

LAWISHSHA 11:19

Keeraanchimma cu'mi're hee'rannohu, heeshsho afi'ranno; bunshete hoode ha'rannohu kayinni reyanno.

LAWISHSHA 14:32

Bushuullu bunshensanni ubbanno; keeraano kayinni reyote yannara nafa irkidhannowa afidhanno.

HIZIQEELI 18:4

Mittu mittunku manchi lubbo anete; annunnitino beettunnitino anete; cubbo loosanno manchi umisilla reyanno.

KIIRO 26:65

Kuni ikkinohuno Kaaliiqi, «Baalunku halalla reyite gooffanno» yiino daafiraati. Yoofooni beetto Kaaleebinna Newe beetto Iyyaasu agurranna insa giddonni mittu nafa digatino.

UMI SAAMUEELI 28:19

Kaaliiqi atenna Israeele Filisxeemete sayise aanno; atinna oosokki ga'a anenni xaaddinanni. Israeelete olantono Kaaliiqi Filisxeemete sayise aanno» yiisi.