LAYINKI MOOTOOLLA 1:10 - Qullaawa Maxaafa

¹⁰ Eeliyaasino daware, «Ani Maganu mancho ikkoommoro, gordunni giira dirrite atenna mannakki itto!» yii. Giira hakkawoyintenni dirrite isonna mannasi ittu.

LAYINKI MOOTOOLLA 1:10 ပူးပေါင်းရင်းမြစ်များ

UMI MOOTOOLLA 22:28

Mikayano, «Ati keere higittoro, Kaaliiqi anera dicoyi'rinoe yaate» yiisi. Qole qoonqosi naggi asse, «Konne heedhinoonni manni baalu, coyi'rummore habbinoonte!» yii.

LAYINKI MOOTOOLLA 1:11

Moote layinkimeeshshono wole olu roorricha 50 manni ledo soyi. Isino Eeliyaasiwa mare, «Maganu mancho! Moote, ‹Rakke dirrite kawa amo!› yiinohe» yiisi.

LAYINKI DUDUWO 36:16

Israeelete manni kayinni soyino manna qacifatino; himanaano oso'lanni qaalesino lashshi asse agurino. Kunninni kainohunni gatte affannokkihu Kaaliiqihu lowo hanqi aanansa dirrino.

IYYOOBI 1:16

Isi coyi'ranni hee'reenna wolu daye, «Maganu giira gordunni dirrite, ge'reewonna allaalaasine itte guddino. Ani calli'ya gate fule kulammohera dayommo» yiisi.

FAARSO 105:15

«Doorantinore soqqamaano'ya gawajjitinoonte; himanaano'yano kissinoonte» yee qorophisiisino.

FAARSO 106:18

Hoodensa hadhinori aanano giira dirritu; konne busha mannano giirtu.

DAANIEELI 3:22

Kaajjado mootete hajajo garinni giira wala yite bubbanni noo daafira Sidiraaqi, Misaaqinna Abidinaago giirate tuggure giirate foorari shii.

DAANIEELI 3:25

Mooteno, «Kuneeti ani giira kissunsakkinni usurunni tidhante buwanu giddo kawanna ka'a ha'rantanni noore 4 manna la"anni noommo; shoolkihu magannate beetto lawanno» yii.

DAANIEELI 6:24

Hakkunni gedensaanni Daanieeli bushiishshure amande abbinanni gede moote hajaji; insa, meentonsanna oosonsa mitteenni doobbiyu balera tunganni gede assi. Balete hundira iillitukkinni doobbiyu iima amade bibbidinsa; miqqansa baalano cancani.

LEEWAAWOOTA 10:2

Kunninni kainohunni, Kaaliiqiwiinni fultino giira itte shiteenna Kaaliiqi albaanni reyitu.

KIIRO 11:1

Israeelete manni iillinonsa qarri daafira Kaaliiqira gungumi. Kaaliiqino gungumansara lowo geeshsha hanqe ittanno giira dirrisi. Tini giirano Qullaawu Dukkanira gobbaanni noo qacha ittu.

KIIRO 16:35

Giirano Kaaliiqiwiinni dirrite hixaana giiranni nooha 250 manna ittu.

MAATEWOOSI 21:41

Insano, «Kuri bushuullunnita geedonsa hunanno. Woyinete Kaashshi dargano loossinoha yanna yannantenni uyitanno gutanyootira gutisanno» yitu.

LUQAASI 9:54

Rosaanosi Yaiqoobinna Yohaannisi konne coye affe, «Mooticha, iiminni giira dirrite konne manna itte guddanno gede hajanjammora fajjattonkeni?» yitusi.

SOQQAMAASINETE LOOSO 12:19

Heeroodisi, Pheexiroosi hasanno gede manna wore hase hooge, agaraasine fonqole laihu gedensaanni insa shinanni gede hajaji. Hakkunni gedensaanni Heeroodisi Ayihudete gobba agure Qiisaariya ha're hakko hee'ri.

IBIRAAWOOTA 12:29

Maganinke ittanno giiraati.

YOHAANNIS AJUUJA 11:5

Insa gawajjara hasi'rannohu hee'riro, giira afiinsanni fulte qahonsa ittanno. Gawajjansara hasi'rannohu baalu, hatto ikke reyanno.