LAWISHSHA 9:18 - Qullaawa Maxaafa

¹⁸ Hawanyu kayinni minisera marannohu baalu reyannotanna, jeennaate dirrannota diafino.

LAWISHSHA 9:18 ပူးပေါင်းရင်းမြစ်များ

FAARSO 82:5

Ki'nera kayinni egennonna wodancha dino'ne; tunsichu giddo heedhinoonni; baattote aaninni halaalu co'o yee baino.

LAWISHSHA 1:32

Egenno xe'ino manna afa hoogansa shitannonsa. Hawanyootano lashshi assansa huntannonsa.

LAWISHSHA 1:7

Kaaliiqa waajja egennote umoho. Hawanyootu egennonna seejjo mishshanno.

LAWISHSHA 5:5

Hoodesi ha'rittoro, jeennaatu widira qolte haadhe hadhannohe; ise hadhanno doogo reyonnite.

LAWISHSHA 6:26

Foora mancho mitto hurbaate tayisse adhitannohe; wolu galte kayinni noohere baala gudisse adhitannohe.

LAWISHSHA 7:26

Ise lowo manna huntino; kiiro afi'rinokki manna guddino.

LAWISHSHA 7:27

Minise jeennaate massitanno doogo aana no; minisera massitanno doogo reyote furdiggi assitanno» yiino.

LAYINKI PHEEXIROOSI 3:5

Kuni manni lowo yannara albaanni gordu Maganu qaalinni kalaqaminotanna baattono wayinni xaadde wayi mereero noota affanni heedhenni, afinokkihu gede ikkitanno.