LAWISHSHA 8:15 - Qullaawa Maxaafa

¹⁵ Mootoolla anenni mookkanno; gashshaano halaalaancho seera fushshitannohuno anenniiti.

LAWISHSHA 8:15 ပူးပေါင်းရင်းမြစ်များ

UMI MOOTOOLLA 10:9

Maganikki Kaaliiqi galatamo! Isi ate doore Israeelete moote assasinni atenni hagiidhinota leellishino. Israeelete noosihu baxillu hegereha ikkino daafira, taalonna halaale agaratto gede ate Israeelete moote assinohe» yitu.

UMI MOOTOOLLA 3:28

Israeelete manni Selemooni yiino yoo macciishshihu gedensaanni, taalo coyi'ranno gede Maganu uyinosi egenno giddosi noota afe lowo geeshsha ayirrisisi.

UMI MOOTOOLLA 3:9

Kunnira, bushanna dancha bade afe, mannakki halaalunninna taalotenni gashsheemmo gede egenno uyie. Hakkunni ka'a konne bati'ra mannakki hiitto asse gashsheemmo?» yii.

UMI MOOTOOLLA 5:7

Kiraamino Selemooni sokka macciishshe lowo geeshsha hagiidhe, «Dargasi amade tenne jawa gosa gashshanno gede konne egennaamo beetto Daawitira uyino Kaaliiqi galatamo!» yii.

UMI DUDUWO 28:5

Anera lowo ooso uyinoe. Insa baalunku giddonni Kaaliiqi gashshoote ikkitinota Israeele baalantera moohanno gede Selemooni doorino» yii.

LAYINKI DUDUWO 1:10

Kunnira mannakki taashshe gashsha dandeemmo gede hayyonna egenno uyie. Hakkunni ka'a kayinni konne bati'ra mannakki hiitto asse gashsheemmo?» yii.

LAYINKI DUDUWO 1:11

Maganu Selemoonira, «Umikkira jironna qiniite woy ayirrinye woy diinikki reyo woy seeda diro ikkikkinni, moohisoommohe manna gashshattota hayyonna egenno aammohera xa'mi'rootto.

FAARSO 2:10

Xaano ki'ne mootoolla, wodana asse; ki'ne gobba gashshitinoonniri qorophe.

FAARSO 99:4

Ati roore mooteeti; halaale baxatto; Israeelete mereero halaale worootto; taalonna halaalaancho yoo uurrisootto.

LAWISHSHA 29:4

Taashshe gashshanno moote gobba geisanno; woxe baxannoha ikkiro kayinni diiganno.

LAWISHSHA 8:16

Halaalaano gashshaano baala, anenni gashshitanno.

ISAYAASI 1:26

Yerusaalame, albiri gedee gashshaanonna amaalaasine kayiseemmohe. Hakkunni gedensaanni, ‹Keeraanchoho; ammanama noosi katamaati› yinannihe» yii.

ERMIYAASI 33:15

Hakka waro, Daawiti sircho ikkinoha, keeraancho moote dooreemmo; isino baattote aana halaalunni taashshe gashshanno.

DAANIEELI 2:21

Isi yannanna wogga soorranno; mootoolla moohisanno; qoleno mootimmate aaninni dirrisanno. Egenno egennaammaho, hayyo wodanchitannorira aannohuno isooti.

DAANIEELI 4:25

Mannu mereerinni baxxite hadhe, dubbu moyichi ledo hee'ratto; lamalu diri sa"a geeshsha handu gede hayisso itatto; gordu lojino aanakki dirranno. Kuni baalu coyi iillannohehu Wo'munkura Aliidi Magani mannu gashshooti baalu aana roorre afi'rinotanna gashshoote baalano baxisinosihura aannota afatto geeshshaati.

DAANIEELI 4:32

Mannu mereerinni baxxite dubbu moyichi ledo hee'ratto; lamalu diri sa"a geeshsha handu gede hayisso itatto. Kuni ikkannohuno Wo'munkura Aliidi Magani mannu gashshooti baalu aana roorre afi'rinotanna gashshooteno baxisinosihura aannota afatto geeshshaati› yitanno huuro gordunni daggu.

MAATEWOOSI 28:18

Yesuusi insawa shiqqi yee, «Roorre baala gordohonna baattote uyinoonnie.

ROOMU SOKKA 13:1

Maganiweello gashshootu nookkihuranna gashshootu aana nooreno isi worino daafira, mannu baalu aleenni noo gashshaanora hajajama hasiissanno.

YOHAANNIS AJUUJA 19:11

Hakkunni gedensaanni gordu fa'name hee'reenna, waajjo farashsho afummo. Gulufe nooha, «Ammanaminohonna Halaalaanchoho» yinanni. Isi taalo yoo yaanno; taalotenni olamanno.

YOHAANNIS AJUUJA 19:16

Uddanosinna giwoodisi aana, «Mootoollate Mootenna Mootoollete Mootichi» yinanni su'mi borreessame no.

UMI SAAMUEELI 16:1

Kaaliiqi Saamueeli, «Israeelete moohe hee'rannokki gede giwoommohura Saaoolira mamooti geeshsha wi'latto? Zayite buudaho wonshite Beeteliheme Isseyiwa mari; oososi giddonni mitto moote ikkanno gede layi'roommo» yiisi.

UMI SAAMUEELI 9:17

Saamueeli Saaooli afi yannara Kaaliiqi, «Kulummohe beetti konneeti; isino manna'ya gashshanno» yiisi.