LAWISHSHA 6:6 - Qullaawa Maxaafa

⁶ «Ati cee'maleessu hanni gooxaamunniwa mari; ikkitosi buuxxe la'e atino hayyoo'mi.

LAWISHSHA 6:6 ပူးပေါင်းရင်းမြစ်များ

LAWISHSHA 1:17

Amandanni ceicho affanna woshshaado diworranni.

LAWISHSHA 10:26

Shiishu hinko shilli assannonte gedenna, wiliile ille huntannonte gede, cee'maleessuno loosoho wodhinosiha hifachiishanno.

LAWISHSHA 10:4

Cee'ma buxissanno; jaate loosi'ra kayinni duroonsitanno.

LAWISHSHA 13:4

Cee'maleessu mitto coye afi'rate lowo geeshsha halchanno; ikkollana mittoreno difi'ranno; jaate loosi'rannohu halchinore baala afi'ranno.

LAWISHSHA 15:19

Cee'maleessu doogo utunni huxxinoonnite; qinaadu doogo kayinni xalalate.

LAWISHSHA 18:9

Looso cee'mannohu, jajja billaallisannohura rodooho.

LAWISHSHA 19:15

Cee'ma lowo goxano abbitanno; loosiweelo hee'niro hude dagganno.

LAWISHSHA 19:24

Cee'maleessu xilteho worino anga fushshe, afooho massi'rara nafa didandaanno.

LAWISHSHA 20:4

Cee'maleessu manchi yannatenni diloosi'ranno; gide gamba assi'nanni yannara lae hooganno.

LAWISHSHA 21:25

Cee'maleessu looso baxannokki daafira, halcho calla shitannosi.

LAWISHSHA 22:13

Cee'maleessu, «Gobba doobbiichu noona, mininni fulummoro itannoe» yaanno.

LAWISHSHA 23:19

Beetto'ya macciishshi; egennaamo ikki; wodanakkino halaalaancho doogo widira qoli.

LAWISHSHA 30:24

Baattote aana busulletenni egennaminori, shoolu shiimmaaddu kalaqami no:

LAWISHSHA 30:25

Gooxaamu wolqa diafi'rinoho; ikkollana, sagalesi arro gamba assi'ranno.

LAWISHSHA 6:9

Ati cee'maleessu mamooti geeshsha goxattoyya? Goxoottowiinni mamoote ka"atto?

ISAYAASI 1:3

Handu nafa ceinoha annasi afino; harrichuno maddarannosiha egennino. Israeelete kayinni hattenne diegennino; manni'ya wodancha diafi'rino» yii.

ERMIYAASI 8:7

Rumichu, lembooli, teenni-qocenna qo'laante, hawado darante hadhe, arro galagalte higganno yanna egentino. Ki'ne manni'ya kayinni, ani oommo'ne hajajo diegentinoonni.

MAATEWOOSI 25:26

«Mootichu kayinni, ‹Ati bushunna cee'maleessu soqqamaanchi, wixi'roommokkiha mixxeemmota, fincoommokkiha gamba assi'reemmota egennoottoha ikkiro,

MAATEWOOSI 6:26

Hanni iima buubbanno cea la'e; insa diwixidhanno; dimixxitanno; gootaraho diwodhitanno. Ikkollana gordu Anni'ne itisannonsa. Ki'ne cea lowo geeshsha diroortinanni?

ROOMU SOKKA 12:11

Jawaattine loosse ikkinnina, cee'maleeyye ikkitinoonte. Ayyaanunni laalaattine Mootichahono soqqamme.

IBIRAAWOOTA 6:12

Amma'natenninna cincatenni kaajjite Maganu hedinonsa coye ragi'ranno manna labbinanni gede ikkinnina, cee'maleeyye ikkitinannita dihalchineemmo.