LAWISHSHA 6:17 - Qullaawa Maxaafa

¹⁷ Boonaleette illeeti, kaphaancho arrawooti, keeraancho manna shitanno angaati,

LAWISHSHA 6:17 ပူးပေါင်းရင်းမြစ်များ

LAYINKI MOOTOOLLA 21:16

Minaase Yihudu manni cubbo loose Kaaliiqa dadillisanno gede assatenni sae, keeraano lowo manna shee Yerusaalamete doogga mundee calla assino.

LAYINKI MOOTOOLLA 24:4

Minaase keeraano manna shee Yerusaalame mundee calla assino. Kunnira, Kaaliiqi hakkonne cubbo agurara dihasi'rino.

FAARSO 10:4

Bushu manchi boo'nasinni kainohunni Magano dihasi'ranno; Maganu assannori nookkiha lawannosi.

FAARSO 101:5

Hashaashshe manna he'mitannore beeshsheemmo; boonaleeyyenna naaxxaleeyye dimarareemmo.

FAARSO 131:1

Kaaliiqa'ya ballo, boo'na'ya aguroommo; naaxxatewiinnino fafoommo; jawurira woy wolqa'yara aleenni ikkinorira, shembeepha aguroommo.

FAARSO 18:27

Umonsa heeshshi assitinore gatisatto; boonaaleeyye heeshshi assatto.

FAARSO 31:18

Wolqatenninna boo'natenni, keeraano mishshanni coyidhanno kaphaano afii beewo.

FAARSO 5:6

Kapho coyidhannore hunatto; mararro nookkirenna xagaraamma hashakkidhe giwatto.

FAARSO 5:7

Ani kayinni bati'ra maarokkinni kainohunni minikkira e"eemmo. Ate ayirrisatenni Qullaawu Minikkira e"e kumbuuleemmo.

LAWISHSHA 1:11

«Amo doogote gaa'line agarre keeraano shinona.

LAWISHSHA 1:16

Lekkansa bunshete rakkanno; wo'manka woyite manna shaate qixxaabbanno.

LAWISHSHA 12:22

Kaaliiqi kapho coyidhannore giwanno; halaalaasine kayinni baxannonsa.

LAWISHSHA 14:5

Halaalaanchu naqqasaanchi kapho dicoyi'ranno; beebba coyi'rannohu kayinni kapho batisanno.

LAWISHSHA 16:5

Kaaliiqi boonaleessa wodana tiyyi're giwanno; hakko wodanihu qorichishamikkinni gatannokkita egenne.

LAWISHSHA 17:7

Gowwu dancha coye coyi'reno dibiifanno; gashshaanchu kaphiro hakkiinni baasinoha ikkanno.

LAWISHSHA 21:4

Boonaleessaho, boollaqi'rannohuranna bushaho caabbichinsa cubboho.

LAWISHSHA 26:28

Mannu giwannohura nookkire coyi'ranno; ikkollana, manna beebbatenni bokkeessa bao abbitanno.

LAWISHSHA 28:17

Manna shiinohu, reya geeshsha bararraaqanni hee'ranno; ayino kaa'loonkesi.

LAWISHSHA 30:13

Boo'natenni ufuufante, manna mishshannori no.

LAWISHSHA 6:16

«Kaaliiqi tiyyi're giwannohu lamalu coye no. Hakkuno:

ISAYAASI 1:15

«Anga'ne huuccattote anewa qoltine fantinirono caaqqi yee dilaeemmo'ne. Anga'ne mundeetenni karsantinota ikkitinohura, aye geeshshano huuccidhineenna dimacciishsheemmo'ne.

ISAYAASI 2:11

Haxawarrootu ille baatto la'annohunna boonaleeyye umo heeshshi yitanno barri daanno; hatte yannara Kaaliiqi callu ayirranno.

ISAYAASI 3:16

Kaaliiqi, «Tsiyooni meenti naaxxa batisino; haxo sangaagge illetenni qiphi assanno; lekkansara noo gume qaca assanni sununni qaafanno.

ISAYAASI 3:9

Laihu baalu bunshensa albinsa aana afanno; Soddoomu manni gede cubbonsa goltukkinni xawoho hasaabbanno. Uminsa aana bao abbidhino daafira insara aanne'e!

ERMIYAASI 26:15

Ikkollana, konne coye kuleemmo'ne gede soyinoehu Kaaliiqaatina, assoommori nookki beebbaataamo shitine umi'nera, kunni katamiranna konne noo manni baalunkura shede abbidhinoonte» yoommo.

YOHAANNISI 8:44

Ki'ne anni'ne Daawuloosi oosooti. Anni'ne hedinore wonshitinara hasidhinanni. Isi bi're hundanni manna shiinoho. Halaalu isiwa hoongohura, halaalu ledo horonta xaadu dinosi. Isi kaphaanchonna kaphu anna ikkinohura, kapho coyi'ranno woyite rosinorella assanno.

MARRO 19:10

Magani'ne Kaaliiqi iqqa asse aanno'ne baattora keeraancho mancho shinannikki gedenna reyino manchi barshi amadanno'nekki gede konne coye asse.

MARRO 27:25

«Keeraancho mancho shaara gubbo adhanno manchi rumaminoha ikko. Mannu baalunku, ‹Eewanni ikko!› yoo.

UMI PHEEXIROOSI 5:5

Ki'ne wedelluno, cimeeyyete hajajamme. Baalunku joongille uddanote gede uddidhine mimmitoho soqqamme. «Maganu boonaleeyye giwanno; jooguulleho kayinni elto aanno» yine borreessinoonni.

YOHAANNIS AJUUJA 22:15

Woshshu suudiri, bittannori, foortannori, manna shitannori, kaphu maganna magansidhannori, kapho baxxannorinna kaphu looso loossannori baalu katamaho gobbaanni gattanno.