LAWISHSHA 5:22 - Qullaawa Maxaafa

²² Busha mancho assino cubbi amadannosi; umisi cubbi woshshaado ikkannosi.

LAWISHSHA 5:22 ပူးပေါင်းရင်းမြစ်များ

UMI MOOTOOLLA 18:18

Eeliyaasino, «Israeelete qarra ani dikalaqoommo. Kaaliiqi hajajo huntine Ba"aali magansi'ratenni qarra kalaqqinoonniri ateetinna annikki mineeti.

ASTEERI 9:25

Asteeri kayinni mootenniwa marteenna, mooteno hajajino hajajo borreessine iillinshanni gede assino. Hatte hajajonni Haama Ayihude gudisiisara hedino hedo umisira higgino. Isinna tonnenti oososino dawete aana sutantino.

IYYOOBI 18:8

Ha'ranno doogo, massite woshshaadote giddo tuggannosi.

FAARSO 40:12

Kiiro anfoonnikki bunshe doyissitinoe; cubbu amadeennae la"a hoogoommo; kiiro umi'ya danancho rooreenna hexxo ba'inoe.

FAARSO 9:15

Daga uminsa untino balera ubbu; wortino woshshaadonni lekkansa amadantu.

FAARSO 9:17

Cubbaataammu jeennaate e'anno; Magano habbannori baalunku hatto ikkitanno.

LAWISHSHA 1:18

Hatto assitannori kayinni, shitannonsa woshshaado uminsara wodhitanno.

LAWISHSHA 11:3

Suwadda sumbensa massaggannonsa; shokkadda kayinni yawaawullensa huntannonsa.

LAWISHSHA 11:5

Danchu manchira keeraanchimmasi doogo suwissannosi; bushu kayinni umisi cubbinni ba"anno.

LAWISHSHA 11:6

Keeraancho mancho halaalaanchimmasi gatissannosi; yawaawula kayinni busha yortosi woshshaaddannosi.

LAWISHSHA 12:14

Mannu afiisi danchummanni atoote afi'ranno; loosi'rino garinni malinosire adhanno.

LAWISHSHA 14:32

Bushuullu bunshensanni ubbanno; keeraano kayinni reyote yannara nafa irkidhannowa afidhanno.

LAWISHSHA 18:7

Gowwa mancho afiisi hunannosi; suumesino lubbosira woshshaado ikkitannosi.

LAWISHSHA 24:12

«Ani diafoommo» yiittoro, wodana la"anno Magani diafanno? La"anni noohehu diegennino? Mannaho loosisi garinni aannohu di"isooti?

LAWISHSHA 26:27

Woleho bale umannohu, u'minotera isinni umanno; wolu aanira kincho gongo'mishannohura, kinchu aanaho jigannosi.

ROSIISAANCHO 7:26

Reyote aleenni qaraarannoha mitto coye afoommo. Kunino, baxillisenni woshshaadde, shibote gede halloho marmarantanno manchooti. Magano waajjannohu isewiinni gatanno; cubbaataamu kayinni amadamanno.

ERMIYAASI 2:19

Umi'ne bunshe qorichishshanno'ne; anera badhe wodha'ne qoricha abbitanno'ne. Ane Magano'ne Kaaliiqa agura'nenna, anera uyitinanni ayirrinye ho'la'ne, mageeshshi geeshsha qaraaronna bunshe ikkitinoro affinanni. Konne coye coyi'roommohu ani Olantote Mootichi Kaaliiqaati» yii.

ERMIYAASI QURTO 1:14

Loosoommo cubbo baala gamba asse usure, haxo'yara qambaru gede asse worino; duhuno ayirreennae daafuroommo. Kaaliiqi, gargadha dandeemmokkihura, diini'yara sayise uyinoe.

ABIDIYU 1:15

Lede, «Ani Kaaliiqi dagate yoo yeemmo barri mule no. Ki'ne Edoomi gosa, woloota assitinoonni beebba, ki'nerano iillitanno; assitinoonniri qole amadanno'ne.

KIIRO 32:23

«Hakkunni ka'a kayinni Kaaliiqi aana sao assitinanni; assitinoonni cubbino amadanno'neta egenne.

IBIRAAWOOTA 13:4

Adhanna adhama baalunku ayirrisannota ikkito; ayiddaanninna ayiddaama mimmitoho ammananto. Baashaabbannoriranna foortannorira Maganu busha yoo yaanno.

EJJEETTO 20:41

Hakkunni gedensaanni, Israeelootu marro higge gawajjitinonsa; hatte yannara Biiniyaamootu goofo iillitinonsata affe massu.

EJJEETTO 9:57

Maganuno Sekeemi manni bunshe uminsara qolino. Gedewooni beetti Iyoaataami rumo amaddinonsa.