LAWISHSHA 4:4 - Qullaawa Maxaafa

⁴ Hatte yannara anni'ya, «Lubbotenni hee'rattona, kuloommohere baala wodanaho wodhi; hajajo'yano agadhi.

LAWISHSHA 4:4 ပူးပေါင်းရင်းမြစ်များ

KALAQAMA 18:19

Keeraanchimmanna sumbe assatenni Kaaliiqi doogo agadhitanno gede oososinna insa gedensaanni dagganno ilama baala rosiisara dooroommosi; hatto assituro, Abirihaamira coyi'roommo coye baalanka wonsheemmo» yii.

UMI DUDUWO 28:9

Daawiti Selemoonira, «Beetto'ya Selemooni! Ane annikki Magano egennatto gede, wo'mu wodaninninna hagiidhitino hedonni soqqamattosi gede kuleemmohe. Isi hedonkenna halchonke baala egennino; isiwa gamba yiittoro, isino atewa gamba yaannohe; agurittosiro kayinni hegere geeshsha agurannohe.

FAARSO 119:11

Cubbo looseemmokki gede, qaalekki wodani'yara wodhoommo.

FAARSO 119:144

Hajajokki wo'manka woyite garaho; lubbotenni hee'reemmo gede wodancha uyie.

FAARSO 119:168

Wogakkinna wodhokki ayirriseemmo; looseemmore baala ati afatto.

LAWISHSHA 22:6

Oosote heedhanno gara rosiinsiro, lophite nafa hattenne dihabbanno.

LAWISHSHA 23:26

Beetto'ya ballo, yeemmore seekkite macciishshi; ani ha'reemmo doogo higge ha'ri.

LAWISHSHA 3:1

Rosiisaanchu, «Beetto'ya ballo, rosiiseemmohere habbooti; hajajo'yano wodanikkira wodhi.

LAWISHSHA 3:2

Rosiishshi'yanna hajajo'ya diro seedissannohe; qawaaxxaamono assitannohe.

LAWISHSHA 7:2

Lubbotenni hee'ratto gede hajajo'ya baala agadhi; rosiiseemmohereno illekki diikkichi gede assite towaxxi.

ISAYAASI 55:3

«Anewa higgine yeemmore macciishshe! Lubbotenni heedhinanni gede qaale'ya macciishshe. Daawitira oommota bagamannokki baxilli hexxo, ki'ne aana wonsheemmo.

ERMIYAASI 38:20

Anino, «Sayisse diuyitannohena, kuleemmoheha Kaaliiqi yiino coye calla macciishshi; hakkunni gedensaanni qinaannohe; lubbokkino gattanno.

YOHAANNISI 12:50

Isi hajajo hegere heeshsho ikkitinota egennoommo. Kunnira ani Anni'ya kulinoere coyi'reemmo» yii.

EFESOONI SOKKA 6:4

Ki'ne annuwa! Ooso'ne Mootichu amaalenni seejjitinanni lossensa ikkinnina, caacceessitinoontensa.

MARRO 4:9

Ille'ne la'ino coye habbinannikki gede qaagge. Qoltineno lubbotenni heedhinoonni geeshsha wodani'nenni ba'annokki gedella jaattine agadhe. Tenneno ooso'neranna ooso'ne oosora rosiisse.

MARRO 6:6

Techo eemmo'neta tenne hajajo wodani'nera wodhe.

LAYINKI XIMOOTEWOOSI 1:5

Ateta halaalaancho ammana qaageemmo. Hattoo ammana alba ahaahekki Loyidaranna amakki Ewuniqera no. Aterano hatti ammana nooheta afoommo.

LAYINKI XIMOOTEWOOSI 3:15

Anjekkinni kayisse Kiristoosa Yesuusa ammanatenni, gato afi'nanni roso uyitannota Qullaawa Borrono afootto.

IBIRAAWOOTA 5:9

Guuta ikkasi anfihu gedensaanni, hajajantannorira baalaho hegere gatora doogo ikkinonsa.

EJJEETTO 13:12

Maanuheno, «Yiittori ikkanno waro qaaqqoho wonsha hasiissanno seeri maati? Assa hasiissannonkerino maati?» yee xa'mi.