LAWISHSHA 4:18 - Qullaawa Maxaafa

¹⁸ «Keeraanote doogo, soodo arrishsho gedeete; barri taalooti geeshsha lexxitanni hadhanno.

LAWISHSHA 4:18 ပူးပေါင်းရင်းမြစ်များ

LAYINKI SAAMUEELI 23:4

gomichu nookki arrishsho soodote gedeeho; baatto hayisso fushshitanno gede assitara, xeenu gedensaanni fultanno arrishsho gedeeho» yiie.

IYYOOBI 11:17

Heeshshokki barru taalooti xawaabbinni roore xabbannohe; tunsitinohe yanna soodimari gedeeta ikkitannohe.

IYYOOBI 17:9

Keeraano doogonsa aana kaajjite uurritanno; xalala wodana afidhinori wolqa lexxitanno.

IYYOOBI 23:10

Ani ha'reemmo doogo egennino; fonqole la"annoe woyite, culku gede xalala ikkoommota afanno.

FAARSO 84:7

Hakkiichira hadhanni heedhe, Jawaantete aana jawaante lexxitanno; magannate Maganono Tsiyooni marte la'anno.

FAARSO 97:11

Keeraanote xawaabbu fulinsa; wodana subbinorira hagiirru dayinsa.

LAWISHSHA 13:9

Keeraanote caabbichi warri yee xawanno; bushuullu caabbichi kayinni xoanno.

LAWISHSHA 15:24

Egennaamu manchi jeennaate eessitannokkita, iimira heeshshonniwa massitanno doogo hige ha'ranno.

LAWISHSHA 2:20

«Ati kayinni, danchu manni ha'ranno doogo higge ha'ri; keeraanote doogo amadde qaafi.

LAWISHSHA 2:9

Hatte yannara gara ikkino coyi, halaalunna taashsha maatiro buuxatto; ha'ratto doogono badde afatto.

ISAYAASI 26:7

Keeraanote doogo suwashshote; ati suwashshu Magani doogonsa taashshatto.

DAANIEELI 12:3

Hatte yannara egennaammu gordu xawaabbi gede xabbanno; lowo manna rosiisse halaalu widira qoltannori baalu hegerera gordu beeddahe gede warri yite xabbanno» yii.

HOOSEI 6:3

Amme, Kaaliiqa afate lowo geeshsha diinaggaambona. Isino soodimari xawaabbinna baatto duushshannohu badheessi xeeni gede addinta ninkewa daanno» yaanno.

MAATEWOOSI 5:14

«Ki'ne alamete caabbichooti; ilaalu iima noo katami go'la didandaanno.

MAATEWOOSI 5:16

Mannu dancha looso'ne lae gordu Anna'ne galatanno gede, caabbichi'ne mannu albaanni xawo» yii.

MAATEWOOSI 5:45

Hatto assitiniro gordoho hee'ranno Anni'nera oososi ikkitinanni. Isi bushuullehonna danchuulleho arrishsho fushshanno; keeraanotenna cubbaataammaho xeena gananno.

YOHAANNISI 8:12

Qoleno Yesuusi, «Ani baattote aana noo mannira xawaabbaho; ane hoode ha'rannohu heeshshote xawaabba afi'ranno ikkinnina tunsichoho diha'ramanno» yii.

LAYINKI QORONTOOSI 3:18

Ninke baalunku diphinoommokki albinni Mootichu ayirrinye xawinseemmo. Ayyaana ikkino Mooticha lawate ayirrinyunni ayirrinyu widira hinge soorrammeemmo.

FILIPHISIYUSI SOKKA 2:15

Hatto ikkiro, bushanna shokkashsho ilama mereero saalsiisannorinna mishiishannori nookkiha fayyaaleeyye Maganu ooso ikkitine gobba baalate aana beeddahimma xabbinanni.

LAYINKI PHEEXIROOSI 1:19

Konneno roorsine xunsineemmo gede assinonkehu himanaanote qaali noonke; kuni qaali hashshu sooda geeshshanna bakkalchu beeddakko wodaninke giddo xabba geeshsha, mannu tunsichu giddo xawanno caabbichira qorophannonte gede, konni qaalirano qorophitiniro danchaho.

LAYINKI PHEEXIROOSI 3:18

Roorenka, Mootichinkenna Gatisaanchinke Yesuusi Kiristoosi eltonninna egennonni lophe; isira xaano hegere geeshsha ayirrinyu ikkosi! Hamii'ni.

YOHAANNIS AJUUJA 21:23

Maganu ayirrinyi xawanno daafiranna Ge'rechu caabbicho ikkino daafira, katamaho aganu woy arrishshote xawaabbi dihasiisanno.

YOHAANNIS AJUUJA 22:5

Kunni ka'a hashshu dihee'ranno; Mootichu Maganu xawisannonsa daafira, caabbichu woy arrishshote xawaabbi dihasiisannonsa. Insano hegere geeshsha mookkanno.

EJJEETTO 5:31

Kaaliiqa, baarigaarrakki baala togo ikkite ba'o; ate baxxannori kayinni, soodo arrishsho gede xabbo. Hakkunni gedensaanni, baatto 40 diri geeshsha keere afidhu.