LAWISHSHA 4:16 - Qullaawa Maxaafa

¹⁶ Bushuullu bunshe assitukkinni difooliishshidhanno; manna gawajjitukkinni goxano diamaddannonsa.

LAWISHSHA 4:16 ပူးပေါင်းရင်းမြစ်များ

FAARSO 36:3

Afiisinni xagarronna kaphu fulanno; wodanchanna dancha coye assa agurino.

FAARSO 36:4

Ma'nasira hee're sarraaqo malanno; busha doogonni horonta difafanno; busha coye calla baxanno.

LAWISHSHA 1:16

Lekkansa bunshete rakkanno; wo'manka woyite manna shaate qixxaabbanno.

LAWISHSHA 2:14

Insa bunshe loosanna manna xagara baxxanno.

LAWISHSHA 4:15

Hakkaanni higge horonta hadhooti; hattenne faro xooqqe, umikki doogo amadde ha'ri.

ISAYAASI 57:20

Bushuullu kayinni shafamanno baari gedeereeti; dambalu sabbanna ishine haa're fushshannota ikkinnina sammi diyaanno.

ERMIYAASI 9:4

«Mittu mittunku rodii dogaancho, olliichu baalu hemaancho ikkinona, roduu rodoosi qoropho; jaalu jaalasi hexxoonke.

MIKIYAASI 2:1

Goxxe heedhe bunshenna xagarro maltannorira aanne'e! Hashshinohu soodeenna woyyitino yanna afidhuro heddinore assitanno.

MIKIYAASI 7:3

Bushino coye assate addintanni busulootaho. Gashshaanchunna daanyu gubbo ita hasidhanno. Roorrichu yorinore kulannonsa gashshaano, yortosi wonshate hakkawoyintenni isi ledo mitteenni ma'litanno.

LUQAASI 22:66

Soodita dagate geerri, qeesootu roorrootinna Seeru rosiisaano mitteenni gamba yitu. Yesuusano songonsawa abbite,

YOHAANNISI 18:28

Hakkunni gedensaanni Ayihude Yesuusa Qeyaafa qaenni haadhe gashshaanchu hoowe massitusi. Yannano soodo gutooti. Lagaabbe Agure Sa"ate Ayyaani jila ita hooggannokki gede, gashshaanchu hoowe giddora die'ino.

SOQQAMAASINETE LOOSO 24:7

Olantote hajajaanchi Lusiyoosi wolqatenni angankenni fushshe haa're, atewa dange coyi'rammeemmo gede hajajino.

LAYINKI PHEEXIROOSI 2:14

Foorre batidhinonsareeti; cubbo loosse disarmitannoreeti; ammanate jawaatinokki manna dogganno. Yogortichu wodanireeti; rumantinoreeti.