LAWISHSHA 30:9 - Qullaawa Maxaafa

⁹ Duuwummoro, ate haweemmo; buxummoro mooraancho ikke, ate Magani'ya su'ma xonsiiseemmo» yee woxaratino.

LAWISHSHA 30:9 ပူးပေါင်းရင်းမြစ်များ

FAARSO 125:3

Haxawarrootu danchu manni baatto aana, lowo yanna gashshite diheedhanno; hatto ikkannoha ikkiro danchu mannino, insa gede bunshe loosa rosanno.

FULO 20:7

«Ane Magani'ne Kaaliiqi su'ma doogimale kayissinoonte; doogimale su'ma'ya kayisannohu dikeeraawanno.

FULO 5:2

Ferioonino, «Isi afummona, Kaaliiqi ayeti? Isi yiinota macciishshe Israeele mayira agureemmo? Ani Kaaliiqa diegennoommo; Israeeleno hadhara diagureemmo» yii.

LAWISHSHA 29:24

Lubbosi cee'minohu, mooraanchu ledo hosanno; yoote alba xa'mineenna ammanirono, qorichishamanno; halaale coyi'ra hoogiro kayinni, Maganu qorichishannosi.

ISAYAASI 59:13

Atera maahoyye gimbe badhe wodhinoommo; ate hoodeno ha'ra agurroommo. Woloota gadadinse ateno agurre ha'noommo; hendeemmorinna coyi'neemmori baalu kaphohonna so'rote.

ERMIYAASI 2:31

Ki'ne Israeelete manni yeemmo'nere macciishshe. Ani ki'ne moola baattora woy beebbu tunsichira hune agurummo'neni? Ki'ne diane mannaati? ‹Hasi'nummo gede ikkineemmo ikkinnina atewa dihingeemmo› mayira yitinanni?

ERMIYAASI 5:12

Himanaano kaphitanni, «Kaaliiqi mittono busha coye ninke aana diabbanno; keerella hee'neemmo; oluno hudeno diamaddannonke» yitanno.

HIZIQEELI 23:35

Xaano Mootichu Kaaliiqi, «Hawoottaehuranna alba bushshe badhe wodhoottaehura, yortokkinna foorrekki daafira qarra adhatta» yiise.

DAANIEELI 4:17

Konne coye hirqitinori, jawaatte agartannori qullaawa sokkaasineeti; kuni ikkinohu, Wo'munkura Aliidi Magani, gashshootu baalu aana wolqa afi'rinota, mannu baalunku afanno gedeeti. Gashshooteno isi baxinohura aanno; minshoonnirirano roorre aanno› yii.

DAANIEELI 4:30

‹Kuni jawu Baabilooni Katami hee'rammora, jawimma'yanna ayirrinye'ya leellishate wolqa'yanni minsiisi'roommoha di"ikkino?› yoommo.

HOOSEI 13:6

Kayinnilla hattenne dancha gobba iillitini yannara, ittine duubbine lowo geeshsha boo'nitinoonni; aneno habbinoonni.

LEEWAAWOOTA 5:1

«Mittu manchi yoote minira woshshineenna mare, afinore woy lainore farci'ra giwiro, hakko coyira isi xa'mamanno.

MAATEWOOSI 26:72

Pheexiroosi kayinni, «Konne ati yaattaha diegennoommo» yaanni layinkimeeshsho xaari.

MAATEWOOSI 26:74

Hatte yannara Pheexiroosi, «Maganu afoe, ani konne yitinanni mancho diegennoommo!» yaanni xaari. Hakkawoyintenni lukkichu gani.

MARRO 31:20

Adonna malawu lolahannota danchanna shaqqado baatto annuwansara aate xaaroommotewa haa're masseemmonsa yannara, itte duubbe kee'mituhu gedensaanni, ane mishshe gondooro'yano diigge, alba kaphu magannawa higge, insa magansidhanno.

MARRO 32:15

«Israeele duubbe maahoyye gibbino; manninatinsa kee'mino; sagaleno qawaaxxidhino. Kalaqinonsa Magano agurtino; wolqaataamo gatisaanchonsa mishshino.

IYYAASU 24:27

Manna baalaho, «Kaaliiqi ninkera coyi'rino qaale baala macciishshino daafira, xa kuni kinchi naqaashshenke ikkanno. Ki'neno Magani'ne aana bunshe assa agurtinanni gede, naqaashshe ikkanno'ne» yiinsa.