LAWISHSHA 30:8 - Qullaawa Maxaafa

⁸ Dogatenninna kapho coyi'ratenni gatisie; hasiissanno sagale uyie; kayinnilla buxicho woy dureessa assitootie.

LAWISHSHA 30:8 ပူးပေါင်းရင်းမြစ်များ

KALAQAMA 28:20

Yaiqoobi, «Ati ane ledo hee'rittoro, tenne ha'reemmo doogora agarittoero, iteemmo sagalenna uddi'reemmo uddano uyittoero,

LAYINKI MOOTOOLLA 25:30

Lubbotenni hee'ri geeshsha barru barrunkunni hasiisannosire baala uyinannasi hee'rino.

IYYOOBI 23:12

Hajajinoere baala wonshoommo; kulinoere baala wodani'yara wodhoommo.

FAARSO 119:29

Kapho anewiinni xeertisi; shaqqillikkinni seerakki rosiisie.

FAARSO 119:37

Haafare laeemmokki gede agarie; qaalikki garinni heeshsho'ya haaroonsie.

FULO 16:15

Israeelete manni afe egenninokkire ikkino daafira insa insanaa, «Kuni maati?» yite xa'mitu. Museno, «Tini Kaaliiqi ittinara uyino'ne sagaleeti.

FULO 16:18

Saffunni bikkitanno woyite, lowoha gamba assi'rinohura wo'me digatino; shiima gamba assi'rinohurano dixeino; baalunku gamba assidhinohu hasiisannonsa geeshshiha ikki.

FULO 16:29

Fooliishshote Barra oommo'neta affe; kunni daafira, leelki barra 2 barrira ikkitanno sagale oommo'ne; lamalki barra, ayino noowiinni kae hajamoonke» yii.

FULO 16:35

Israeelete manni, hee'ranno gobba Kana"aanita mare iilla geeshsha, 40 diro wo'ma tenne sagale itanni hee'rino.

LAWISHSHA 13:5

Keeraanchu manchi kapho giwanno; bushu kayinni saalanna shollinye abbanno.

LAWISHSHA 21:6

Awaawurre gamba assinanni jiro, fooraru gedeetenna reyote woshshaadooti.

LAWISHSHA 22:8

Bunshe wixannohu qarra mixxanno; woloota assi'ranno beebba diagurtannosi.

LAWISHSHA 23:5

Jiro iima hige buuwanno allamurchi gede, ati la'anna hedeweelcho qoola assidhe buubbe ba'anno.

LAWISHSHA 30:7

«Magano, reyammora albaanni, atewiinni 2 coye hasi'reemmona wonshie.

ROSIISAANCHO 1:2

Rosiisaanchu: Haafaho, haafaho, haafu haafaati; baalunkuri haafaho!

ISAYAASI 5:18

Dogate siiwonni cubbo, faradi gaarete siiwonni xagarro goshooshshannorira aanne'e!

ISAYAASI 59:4

Yoote shiqqinannita ikkinnina halaalu difulanno'ne; gartinara yitine kapho coyidhinanni; woloota gawajjate ma'litinanni.

ERMIYAASI 37:21

Kunnira, moote Sedeqiyaasi mootete mine agaraasinete mini giddo cunfannie gede hajajinoe; anino hakkiicho keeshshoommo. Katamu giddo intanniri horo hooga geeshsha barru barrunkunni tima diho'linoonnie.

ERMIYAASI 52:34

Lubbotenni hee'ri geeshsha barru barrunkunni hasiisannosire baala uyinannasi hee'rino.

MAATEWOOSI 6:11

Techo barrita sagalenke uyinke.

MAATEWOOSI 6:33

Ki'ne kayinni balaxxine Maganu Gashshootenna keeraanchimmasi hasidhe; hakkuyi ka'ire baala lendanni'nena.

LUQAASI 11:3

techo barrita sagalenke uyinke.

YOHAANNISI 2:8

Yesuusino soqqantannore, «Hinkiiltine jilu murrichira uuyye!» yii. Insano yiinonsa gede assitu.

SOQQAMAASINETE LOOSO 14:15

«Manna, togo mayira assitinanni? Ninkeno ki'ne gedee mannaati. Ninke ki'ne kunni kaphu coyiwiinni faffine gordonna baatto, baaranna kuri giddo noore baala kalaqinohuwa Heeshshote Maganiwa higginara Hagiirru Duduwo kullammo'nera dangoommo» yitu.