LAWISHSHA 30:4 - Qullaawa Maxaafa

⁴ Iimira gordo mare dayinohu ayeti? Bubbe angatenni cu'minohu ayeti? Waa uddanosinni xaaxe amadannohu ayeti? Baattote danna worinohu ayeti? Afoottoha ikkiro, su'misi ayeti? Beettisi su'mino ayeti?

LAWISHSHA 30:4 ပူးပေါင်းရင်းမြစ်များ

KALAQAMA 32:29

Yaiqoobino, «Ate su'mi ayeti?» yee xa'mi. Manchuno, «Su'ma'ya mayira hasi'rootto?» yee kae, Yaiqoobi maassi'risi.

IYYOOBI 11:7

«Maganu hayyo, xiinxalla dandaattoni? Woy Wo'manka Dandaanno Maganita, jawimmasi co'o assite afa dandaattoni?

IYYOOBI 11:8

Gordunni roore iimallitte xeerti'rannona, assite afattori nooni? Jeennaatunni roore wororritte fafannona, afa dandaattoni?

IYYOOBI 26:8

Maganu, gomichoho waa wonshino; wayi ayirreenna dhoohannokki assino.

FAARSO 135:7

Xeena amadino gomicho baattote qaccenni abbanno; xeenu yannara banqo dirritanno gede assanno; bubbeno noo darginni fushshe soyanno.

FAARSO 2:7

Kaaliiqi seera lallaweemmo; isino, «Ati beetto'yaati; ani techo iloommohe.

FAARSO 22:27

Gashshootu Kaaliiqihona, gosa baala qaagge, Kaaliiqiwa higganno; daga baala albasiinni kumbuultanno. Kunni daafira, daga isi gashshanno. Baattote aani duuwaleeyye baala jilte isira kumbuultanno; bushsha e'annori baalunna, lubbonsa reyotenni gatisidhe affannokkiri baalu, albasiinni guluphitanno.

FAARSO 24:2

Isi baaru aana xintinosena, batidhino wayibba aanano uurrisinose.

FAARSO 68:18

Kaaliiqi Maganu qafadonna haxawarrootu uyitino afanshi nafa gatikkinni adhe, hee'rannowa iimira ha'ri.

FULO 15:10

Mitte higge foolootto fooli baaru giddo huninsa; lowo wayi giddo kinchu gede ikkite egemmantu.

FULO 6:3

Wo'manka Dandeemmo Magano ikka'yanni Abirihaamira, Yisihaaqiranna Yaiqoobira leelloommo; ‹Kaaliiqa› yinannihunni qullaawu su'mi'yanni kayinni dileelloommonsa.

ISAYAASI 45:18

Gorduwa kalaqinohu Kaaliiqaati; baatto seekke kalaqinohunna xintinohu isooti; kalaqinosehu fano heedhara ikkikkinni, mannu hee'ranno gedeeti. Isino, «Ani Kaaliiqaati; ane agurranna wolu Magani dino.

ISAYAASI 53:8

Qarrinse halaaleno beeshshine haa'ne ha'noonnisi; manninke cubbi daafira yeenna shinoonnisita, ilamate giddonni coyi'rannohu nooni?

ISAYAASI 7:14

Kunnira, Mootichu umisi malaate aanno'ne; kuneeti seemo godobbe labbaa beetto iltanno. Su'mano, ‹Amaanueeli› yite fushshitannosi.

ISAYAASI 9:6

Kuneeti qaaqqu ilaminonke! Labbaa beettono uyinoonninke! Isino gashshaancho ikkanno; su'masino, «Dhaggete Amaalaancho, Wolqaataamo Magano, Hegere Anna, Keeru Roorricha» yinanni.

ERMIYAASI 23:6

Isi moohanno waro, Yihudu keere hee'ranno; Israeeleno harshammi yitanno. Su'masino, ‹Kaaliiqi keeraanchimmankeeti› yinanni.

MAATEWOOSI 11:27

Anni'ya baalanka coye uyinoe. Annu ka'a Beetto egenninohu ayino dino. Beettu ka'a Anna afinohu ayino dino. Beettu leellishinonsare agurranna Anna afinohu dino.

LUQAASI 10:22

«Wo'manka coye Anni'ya uyinoe. Beettu ayetiro Anna agurranna afinohu mittuno dino. Beetto agurranna woy Beettu xawise kulinosiha agurranna Anna afannohu mittuno dino» yii.

YOHAANNISI 3:13

Gordunni dirrinoha Manchi Beetto agurranna gordu iimira fulinohu wolu dino» yii.

ROOMU SOKKA 10:6

Maganu manna amma'natenni keereensannota kulate, «Wodanikkinni, ‹Gordu iimira ayi fulanno?› yitooti!» yinoonni. (Hatto yaa Kiristoosa gordunni dirrisate gedeeti).

MARRO 28:58

«Kunni maxaafira borreessinoonniha konne seera seekkitine agadha hoogginiro, dhaggennihanna waajjishannoha Magani'ne Kaaliiqi su'ma ayirrisa gibbiniro,

MARRO 30:12

‹Iima noota di"ikkitinona, macciishshine hajajammeemmo gede xeertidhinonkena, iimira ayi mare abbannonke?› yitinoonte.

YOHAANNIS AJUUJA 19:12

Illesi giirate buwano labbanno; umisi aana haammata mootete worraaqqa no. Iso agurranna wolu mittuno afa dandaannokki su'mi aanasi borreessame no.

EJJEETTO 13:18

Isino, «Su'mi'ya afate didandiinannihona xa'mitootie?» yiisi.