LAWISHSHA 3:7 - Qullaawa Maxaafa

⁷ ‹Ani egennaamoho› yitooti. Kaaliiqa waajji; bunshetewiinnino xooqi.

LAWISHSHA 3:7 ပူးပေါင်းရင်းမြစ်များ

LAYINKI SAAMUEELI 12:20

Daawitino uullanni kae bisosi hayishshi're, buudhe, uddanosino soorri're Kaaliiqi minira e"e umosi heeshshi asse kumbuuli. Minisirano daye, «Sagale abbe"e» yii; abbinoonnisi sagaleno iti.

NEHIMIYA 5:15

Anera albaanni manna gashshara worroonnihu baalu, mannu aana lowo duha ikke barru baala sagaletenna agattote ikkannoha shoyilloo birra baatisiisino. Gashshaanote soqqamaano nafa manna gadadissino. Ani kayinni, Magano waajjeemmo daafira kunni duuchunku coyinni dikarsamoommo.

IYYOOBI 1:1

Uutsi yinanni gobbara mittu Iyyoobi yinanni manchi no. Iyyoobi bunshetewiinni fafe Magano waajjannohonna sao nookki keeraanchooti.

IYYOOBI 28:28

Maganu mannaho, «Kuneeti, Mooticha waajja egennote; bunshetewiinni fafano afate» yiino.

FULO 20:20

Museno mannaho, «Kaaliiqi iso ayirrissine cubbo loossinannikki gede assa'neralla dayinona waajjitinoonte» yii.

LAWISHSHA 14:16

Egennaamu manchi bunshe seekke qorophanno; hawanyu kayinni muddamanno; umosino diagadhanno.

LAWISHSHA 14:27

Kaaliiqa waajja heeshshote buichooti; manna reyote giddonni fushshitanno.

LAWISHSHA 16:6

Baxillunna ammanama cubbo agursiissanno; Kaaliiqa waajja cubbuwiinni agartanno.

LAWISHSHA 23:4

Jirote yite atenee orbaassooti; hakko daafurinni gatate egennaamo ikki.

LAWISHSHA 26:12

Umosi egennaamo asse kiiranno manchinni roore, gowwu manchira hexxo noosi.

LAWISHSHA 26:5

Hedosi gede ikkinokkita afanno gede, xa'mosira gowwa dawaro qoli.

LAWISHSHA 28:11

Dureessu umosi egennaamo asse kiiranno; wodancha afi'rino buxichi kayinni isi ayimma xunse egennino.

LAWISHSHA 28:26

Umosi addaxxannohu gowwaho; egennaamu kayinni gatanno.

LAWISHSHA 8:13

Kaaliiqa waajja bunshe giwate; ani boo'nanna boollaqi'ra giweemma; bunshenna sarraanqanni coye dibaxeemma.

ROSIISAANCHO 12:13

Coyi baalunku gumulo kuneetina, macciishshino. Kuni mannu wo'munkura hasiisinohona, Magano ayirrisi; hajajosino agadhi.

ISAYAASI 5:21

Insanaa busullaaddanna egennaamma assite kiirtannorira aanne'e!

ROOMU SOKKA 11:25

Roduuwa'ya, egennaamma ikkitinoonniha lawoonke'ne. Mitto go'le noo halaale kuleemmo'ne: Hakkuno, Israeelete mokkookka wo'mu woyitita ikkitukkinni, wo'ma Daga Maganunniwa dagga geeshshaati.

ROOMU SOKKA 12:16

Mimmiti'ne ledo sumuu yitine heedhe; ki'nenee bokkeessa agurtine gadadaammu ledo aanne. «Ane ka'a egennaamu dino» yitooti.