LAWISHSHA 3:6 - Qullaawa Maxaafa

⁶ Assattorira baalaho Magano albaanni qo'li; isino halaalaancho doogo kulannohe.

LAWISHSHA 3:6 ပူးပေါင်းရင်းမြစ်များ

UMI DUDUWO 28:9

Daawiti Selemoonira, «Beetto'ya Selemooni! Ane annikki Magano egennatto gede, wo'mu wodaninninna hagiidhitino hedonni soqqamattosi gede kuleemmohe. Isi hedonkenna halchonke baala egennino; isiwa gamba yiittoro, isino atewa gamba yaannohe; agurittosiro kayinni hegere geeshsha agurannohe.

IZIRA 7:27

Izira qole, «Yerusaalamete noohu Kaaliiqi Mini kunni garinni ayirranno gede, konne coye mootete wodanira worinohu annuwanke Magani Kaaliiqi galatamo.

NEHIMIYA 1:11

Kaaliiqa'ya ballo, kuneeti xaano ane soqqamaanchikkitanna ate ayirrisa baxxannorita wolootu huuccattono macciishshi. Techo loosate hedoommo coyi qinaannoe gede mootete wodana shaqqishatenni kaa'lie» yaanni huucci'roommo. Hatte yannara ani mootete woyinete xajje xorsheemmo.

NEHIMIYA 2:4

Mooteno, «Xa ma"assinahera hasi'rattoyya?» yee xa'mie. Anino Gordu Magano huucci'rummohu gedensaanni,

NEHIMIYA 7:5

Kunnira Maganu albisoota, roorrootanna wole manna gamba asseemmo gedenna maatensa borreessantino gedeenni buuxeemmo gede kulie. Hakkunnira albaanni qafadotenni higginori sirchi ilama taje afi'roommo. Afi'roommo tajeno kunninni aante noote:

FAARSO 32:8

Kaaliiqi, «Rosiiseemmohe; ha'ratto doogono kuleemmohe; amaaleemmohe; ille'ya ate aana woreemmo.

LAWISHSHA 11:5

Danchu manchira keeraanchimmasi doogo suwissannosi; bushu kayinni umisi cubbinni ba"anno.

LAWISHSHA 16:3

Hedokki qiniitannohe gede, assattore baala Kaaliiqira eeggo uyi'ri.

LAWISHSHA 16:9

Mannu wodanisinni hedanno; hendoonniri wo'mannohu kayinni Kaaliiqi yiino garinniiti.

LAWISHSHA 23:17

Wodanikki cubbaataamma hinaasoonke; barra baala Kaaliiqa waajjatenni hee'ri.

ISAYAASI 26:7

Keeraanote doogo suwashshote; ati suwashshu Magani doogonsa taashshatto.

ISAYAASI 30:21

Doogo sodhine gurara woy qiniitira higgine hadhinirino badhe'neenni, «Doogo tenneetina ise higgine hadhe!» yaanno qaale macciishshitinanni.

ISAYAASI 45:13

Qiroosi keeraancho looso loosanno gedenna, hedo'ya wonshanno gede kayisoommo; doogono qineesseemmosi. Katama'ya Yerusaalame galagalche minanno; qafadame nooha manna'yano tiranno; konne assannohuno uyinannisiri hee'reenna di"ikkino. Konne coye coyi'roommohu ani Olantote Mootichaati› » yii.

ISAYAASI 48:17

Gatisanno'nehu Israeelete Qullaawi Kaaliiqi, «Woyyanno'nere baala rosiiseemmo'nehunna, hadhinanni doogo kuleemmo'nehu Magani'ne Kaaliiqi aneeti.

ERMIYAASI 10:23

Kaaliiqa'ya, mannu heeshsho angasi nookkitanna, ha'rinshosino mannu umisi qineessi're dandaannokkita afoommo.

KIIRO 9:20

Mito mito woyite kayinni, gomichu Dukkanu aana shiima yanna calla keeshshanno. Ikkirono qachinsara keeshshitannohunna ka'e hadhannohu Kaaliiqi hajajo garinniiti.

UMI QORONTOOSI 10:31

Ittinanniha woy agginanniha ikkiro woy aye coyeno assitinanniha ikkiro baalankare Maganu ayirrinyira asse.

LAYINKI QORONTOOSI 8:16

Ani ki'ne daafira diinaggaawummonte gede, Tiito wodanirano hatte hedo worino Maganira galatu iillosi.

FILIPHISIYUSI SOKKA 4:6

Baalunku coyira galaxxitinanninna huuccidhinanni hasidhinoonni coye Maganoho ku'le ikkinnina, mittu coyirano yaaddinoonte.

QOLASIYAASI SOKKA 3:17

Magano Anna isinni galattinanni coyi'ratenni woy loosunni assitinannire baala Mootichu Yesuusi su'minni asse.

QOLASIYAASI SOKKA 3:23

Assitinannire baala mannaho ikkikkinni Mootichu Yesuusira assitinannihu gede taalu wodaninni asse.

YAIQOOBI 1:5

Ki'ne giddo egenno xe'inosihu hee'riro, Magano huucci'ro; Maganuno aannosi. Isi ayeno mishikkinni baalunkura elate shooshaqa Maganooti.

UMI SAAMUEELI 30:8

Daawiti, «Konne horrinke diina hordofoni? Iillammo ikka?» yee Kaaliiqa xa'mi. Kaaliiqino, «Ee, iillite qafadaminoha manna'ne baala gatisse qolattona hordofi» yee dawarisi.