LAWISHSHA 3:3 - Qullaawa Maxaafa

³ Halaalaanchimmanna ammanama mulinni faffoonkehe; insano goowikkira wodhi; wodanikkira borreessi'ri.

LAWISHSHA 3:3 ပူးပေါင်းရင်းမြစ်များ

LAYINKI SAAMUEELI 15:20

Dayottohuno muleetilla; mayira haa're raateesseemmohe? Ani wortuewa ha'reemmona, ati kayinni higi; mannakkino ledokki haadhe ha'ri. Kaaliiqi shaqqillisinninna ammanamasinni agarohe» yiisi.

FAARSO 119:11

Cubbo looseemmokki gede, qaalekki wodani'yara wodhoommo.

FAARSO 25:10

Gondoorosinna hajajosi agartannorira, Kaaliiqi loosanno loosinni maarosinna bagamannokkiha baxillesi leellishannonsa.

FAARSO 85:10

Bagamannokkihu baxillikkinna halaalu xaaddanno; keeraanchimmanna keeru sunqantanno.

FULO 13:9

Kuni ayyaanino, anga'nera usudhitinoonnihunna albi'nera wodhitinoonni malaati gede ikko'ne; Kaaliiqi Gibitsete gobbanni jawa wolqasinni fushshino'ne daafira, seerisi wo'manka woyite afii'nenni fafikkinni marro higgine buuxxinanni gede qaagiissanno'ne.

FULO 34:6

Kaaliiqi albasiinni hige sa"anni Musera, «Ani Kaaliiqi maareemmohonna hanqoho muddameemmokkiho; mararaancho Maganooti; ammanama'yanna bagamannokkihu baxilli'ya bati'raho.

LAWISHSHA 1:9

Seesallitte ba'latto umoho, culku irrino goowaho biinfille ledannonte gede, annikkinna amakki amaaleno akata seekkitannohe.

LAWISHSHA 14:22

Busha mala maltannori so'rote giddora e'anno; dancha coye maltannori kayinni baxillenna ammanama afidhanno.

LAWISHSHA 16:6

Baxillunna ammanama cubbo agursiissanno; Kaaliiqa waajja cubbuwiinni agartanno.

LAWISHSHA 20:28

Moote gashshootu aana keeshshannohu, halaalenna danchumma loosirooti.

LAWISHSHA 6:21

Wo'manka woyite wodanikkira wodhi; goowikkirano usudhi.

LAWISHSHA 7:3

Qubbekkira usudhi; wodanikki giddono borreessi'ri.

ERMIYAASI 17:1

Kaaliiqi, «Yihudu manna! Cubbi'ne aani'nenni diho'lannoho. Kinchu aana borreessinoonnihu gede, wodani'neranna kakkalote buudda aana siwiilu kuulinni borreessamino.

HOOSEI 4:1

Kaaliiqi, tenne baattora hee'ranno manna baala abbooshshi'rino. Kunni daafira Israeele, isi yaannohere baala macciishshi! Isi, «Baattote aaninni ammanama, baxillunna ane Kaaliiqa egenna ba'ino.

MILKIYAASI 2:6

Isino halaale ikkinnina so'rote coye dirosiisino; ane ledo keerunninna sumbetenni hee'rino; lowo mannano cubbuwiinni qolino.

MAATEWOOSI 23:23

«Ki'ne lawisiisaano, Seeru rosiisaanonna Farisootu, ki'nera aanne'e! Afuduudunniha, sunkurtunnihanna qimamenniha tonnunni mitto uyitinanni. Seeru giddo nooha qara qara coye kayinni facci assitine agurtinanni. Hattino taashshate, maarotenna ammanamate. Hakkoreno agurtinikkinni koreno wonsha hasiissanno'nehu gatino.

LAYINKI QORONTOOSI 3:3

Ninke soqqanshonni dagginoonniri ki'ne, Kiristoosi sokka ikka'ne xawoho. Tenne sokka heeshshote Magani Ayyaaninni ikkinnina kuulunni diborreessinoonni. Mannu wodani giddo ikkinnina bocame kinchi aana diborreessinoonni.

EFESOONI SOKKA 5:9

Xawaabbu addi addi danchumma, keeraanchimmanna halaale baala laalanno.

MARRO 6:8

Qaagginanni gede tenne hajajo borreessitine anga'nera usudhe; albi'ne aanano wodhe.

IBIRAAWOOTA 10:16

«Hakkunni daanno barri gedensaanni, insa ledo e"eemmo gondoori konneeti. Seera'ya giddonsa woreemmo; wodaninsarano borreesseemmo yaanno Mootichu» yee coyi'rihu gedensaanni,