LAWISHSHA 3:24 - Qullaawa Maxaafa

²⁴ Goxatto yannarano diwaajjatto; goxichikkino coomminoha ikkanno.

LAWISHSHA 3:24 ပူးပေါင်းရင်းမြစ်များ

LAYINKI DUDUWO 20:30

Kunnira Iyosaafiixi gashshooti keere afi'ri. Maganisino raga baala keere assi.

IYYOOBI 11:19

Waajjittokkinni goxxe galatto; lowo manni ate anga la"anno.

FAARSO 112:8

Baarigaarrasi qeelantannota ammanino daafira, diyaadanno; diwaajjanno.

FAARSO 127:2

Soodimaroho gutansanna, hashsha keeshshite goxansa daafuroho; Kaaliiqi baxannonsa mannira kayinni, goxxe heedheennanni hasiisannonsare qixxeessannonsa.

FAARSO 3:5

Ani goxeemmo; goxanono amaddannoe; Kaaliiqi kaa'lannoe daafira galagale kaeemmo.

FAARSO 3:6

Raga baalaho gaangeessitannoere, batinye kume diinna diwaajjeemmo.

FAARSO 4:8

Kaaliiqa, ati agarattoe daafira, keerunni goxe galeemmo.

FAARSO 91:5

Hashsha dagganno dano, barra kaattanno koottalla,

LAWISHSHA 1:33

Ani yeemmare macciishshannohu kayinni, keere afi'ranno. Yaaddo nookkiha harshammi yee hee'ranno» yitanno.

LAWISHSHA 19:23

Kaaliiqa waajja heeshshote widira haadhe hadhanno; iso waajjannohu goxe galanno; bushu coyinni dixaadanno.

LAWISHSHA 6:22

Ha'rattowa baala leellishshannohe; goxatto yannarano agartannohe; baqqi yaatto woyiteno amaaltannohe.

ROSIISAANCHO 5:12

Loosanno manchi kayinni, iti geeshshano itiro, coommino goxicho goxanno; dureessaho kayinni jirosi goxano diuyitannosi.

ISAYAASI 54:14

Halaalunna taashshate aana xinteemmohe; beebbanna gadadishshu atewiinni fafanno; waajjishannoherinna masisannoheri dihee'ranno.

ERMIYAASI 31:26

Kunni daafira mannu, «Goxanotenni baqqi yinummo yannara wolqa assi'nummo» yaanno.

HIZIQEELI 34:15

Ani umi'ya ge'reewo'ya allaa'leemmo; garga'ranno dargano qixxeesseemmonsa. Ani Mootichu Kaaliiqi konne coye coyi'roommo.

HIZIQEELI 34:25

Keere heedhanno gede hexxo eemmonsa; busha moyicho baattote aaninni huneemmo. Kunnira, ge'reewi'ya halalla hee'ranno; dubbohono keere galanno.

HIZIQEELI 34:27

Haqqe laaltanno; gatuno gide fushshanno; mittu mittunku isi umisi baattora keere hee'ranno. Manni'ya qambara hiiqqaqqe, borojjimma gashshitinonsa kaajjaddi anganni wodeemmonsa. Hatte yannara ani Kaaliiqa ikkoommota affanno.

LEEWAAWOOTA 26:6

«Baattote keere eemmo; waajjishannori nookkiha goxxine galtinanni; busha moyicho baattote aaninni hooleemmo; baatto'nera olu dika"anno.

SOQQAMAASINETE LOOSO 12:6

Heeroodisi layinki soodo Pheexiroosi mannaho sayise aara hede no. Pheexiroosi hakko hashsha lame cagaagenni usurreenna lame olanto mereero goxe no. Wole olanto kayinni usuru mini waalcho agarte no.