LAWISHSHA 3:2 - Qullaawa Maxaafa

² Rosiishshi'yanna hajajo'ya diro seedissannohe; qawaaxxaamono assitannohe.

LAWISHSHA 3:2 ပူးပေါင်းရင်းမြစ်များ

UMI MOOTOOLLA 3:14

Annikki Daawiti gede doogo'ya ha'rittoronna hajajamittoero, seera'yanna hajajo'ya wonshittoro seeda diro hee'ratto gede asseemmohe» yiisi.

IYYOOBI 5:26

Laala geeshsha gate keeshshanno gidi gede, atino lowo diro hee'ratto; reyatto geeshsha jawaatte hee'ratto.

FAARSO 119:165

Seerakki baxxannorira co'o yiino keeri noonsa; horontanni mittu coyino sarraaqansara didandaanno.

FAARSO 128:6

Oosokki oosono afi! Israeeleteno keeru ikko!

FAARSO 21:4

Heeshsho aattosira huucci'reennahe, lowo geeshsha seeda diro oottosi.

FAARSO 91:16

Diro furmanno gede asseemmosi; gatisaanchimma'yano leellisheemmosi» yaanno.

LAWISHSHA 10:27

Kaaliiqa waajja diro seedissanno; bushuullu kayinni yanni-male reyitanno.

LAWISHSHA 16:31

Seedu diri keeraanote ba'raa'raati; awuuwe ayirrinyu ba'lattooti.

LAWISHSHA 4:10

Rosiisaanchu lede, «Beetto'ya ballo, dirikkino seedannona macciishshie; kuleemmohereno seekkite wodanchi.

LAWISHSHA 4:4

Hatte yannara anni'ya, «Lubbotenni hee'rattona, kuloommohere baala wodanaho wodhi; hajajo'yano agadhi.

LAWISHSHA 9:11

Dirikki anenni bati'ranno; heeshshokki dirino lexxanno.

ISAYAASI 32:17

Keeraanchimmate loosi keere abbanno; keeraanchimmate gumino, hegerera hawaqi'ne hee'nanni gede assanno.

ROOMU SOKKA 14:17

Maganu Gashshooti, Qullaawu Ayyaani aanno keeraanchimmaati, keereetinna hagiirreeti ikkinnina, itunna agu haja di"ikkino.

ROOMU SOKKA 15:13

Hexxo'ne Qullaawu Ayyaani wolqanni lophitanno gede, hexxo aanno Magani amma'nitinoonnisi daafira hagiirrenna keere wonsho'ne.

ROOMU SOKKA 5:1

Kune ninke keeraanchimma ammanatenni afi'noommo daafira, Mootichinke Yesuusi Kiristoosi widoonni Maganu ledo keere hee'noommo.

MARRO 11:21

Hatto assitiniro, Kaaliiqi annuwa'nera aara xaarino baattora ki'nenna ooso'ne baattote aleenni noo gordi hee'ranno geeshsha heedhinanni.

MARRO 5:32

«Israeelete manna, Magani'ne Kaaliiqi hajajino'nere wonshate qixxaabbe. Ka'anna kawa yitinoonte.

UMI XIMOOTEWOOSI 4:8

Manninate kaajjishi'rate rosi shiimarella kaa'lanno. Magano magansi'ra rosa kayinni xaarano dagganno heeshshorano hexxo noota ikkitino daafira, baalunkurira kaa'litanno.