LAWISHSHA 29:2 - Qullaawa Maxaafa

² Keeraano gashshitanno yannara, mannu hagiidhanno; bushuullu gashshitanno yannara kayinni, mannu dadillanno.

LAWISHSHA 29:2 ပူးပေါင်းရင်းမြစ်များ

ASTEERI 3:15

Moote hajajino garinni, dannawu katamira Suusaho lallawa faajjete egensiinsi. Rahe iillishanno gede sonkoonni mannino sokka gobba baala tuqisi. Dannawu katami Suusa hembeelame hee'reenna mootenna Haama mitteenni ofolte woyinete xajje agganni no.

ASTEERI 8:15

Merdookiyoosi kuulaamenna waajjo mootete mini uddano uddi're, xiillicha kaabba aanaho ga'ne, xuma culku ba'latto umoho wodhe mootete mininni fuli. Mannuno hagiirrunninna ililleettetenni Suusa Katama milli assi.

IYYOOBI 34:30

Maganu iso afinokki mancho, manna garimale gashshannoha doore, gashshaancho assara dandaanno.

LAWISHSHA 11:10

Keeraanote qinaannonsa yannara katamu hagiidhanno; bushuullu reyitanno woyite ililleette ikkanno.

LAWISHSHA 28:12

Keeraano qeeltanno yannara, lowo geeshsha hagiidhinanni. Bushuullu roorre afidhanno yannara, kayinni mannu maaxamanno.

LAWISHSHA 28:15

Buxane gadadisannohu bushu gashshaanchi, ittananno doobbiichinna kubbe amadanno dagunchi gedeeho.

LAWISHSHA 28:28

Bushuullu gashshoote amaddanno yannara, mannu maaxamanno. Insa ba'anno yannara kayinni, keeraano hala'litanno.

ROSIISAANCHO 10:5

Kalqete aana laoommoti mitte busha no. Tinino gashshaanchuwiinni fultanno so'rooti.

ROSIISAANCHO 10:6

Gowwootu ayirrado darga amaddeenna, dureeyye kayinni shota darga ofoltino.

ROSIISAANCHO 4:1

Xaano kalqete aana assinanni beebba afoommo; gadadantinori sheshifachishannonsaha hoogge wi'litanna laoommo. Roorre baala gadadissannonsarita ikkitinohura kaa'lannonsaha diafidhino.

MAATEWOOSI 2:16

Heeroodisi soojjaatinni daggino ayyaanto dogginosita afe lowo geeshsha hanqi. Beetelihemetenna qooxeessisera noore labbaa qaaqquulle lamu dirirenna lamu diri kawire baala shiishiishe gudi. Hatto assinohu ayyaanto kultinosi yanna hedeeti.

MAATEWOOSI 2:3

Moote Heeroodisi konne duduwo macciishshe masi; Yerusaalamete manni baaluno isinte gede masi.

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.