LAWISHSHA 28:4 - Qullaawa Maxaafa

⁴ Seera ayirrisannokki manchi busha manna galatanno; seera agadhannohu kayinni busha giwanno.

LAWISHSHA 28:4 ပူးပေါင်းရင်းမြစ်များ

UMI MOOTOOLLA 18:18

Eeliyaasino, «Israeelete qarra ani dikalaqoommo. Kaaliiqi hajajo huntine Ba"aali magansi'ratenni qarra kalaqqinoonniri ateetinna annikki mineeti.

UMI MOOTOOLLA 18:21

Eeliyaasino mannaho, «Lamu wodaninni dintinanni heedhinannihu mamooti geeshshaati? Kaaliiqi Maganohoro iso magansidhe! Woy Ba"aali Maganohoro Ba"aali magansidhe!» yiinsa. Mannu kayinni mitto qaaleno didawarino.

NEHIMIYA 13:15

Hatte yannara Yihudaho Fooliishshote Barra, woyine huuncitannore, gide, woyinete xajje, woyinete laalo, balasenna addi addi hogowo harrete hogophite Yerusaalame daggannore afe, Fooliishshote Barra mittoreno hirtannokki gede qorophisiisummo.

NEHIMIYA 13:28

Qeesootu roorrichi Eeliyaashiibi beetti beetti Yoyadai ooso giddonni mittu, Beetihorooni Katamira hee'rannohunnita Sanbalaaxi beetto adhino. Yoyadai Yerusaalametenni shorroommo.

FAARSO 10:3

Wodanisi halchonni adawadhanno; honqooqicha maassi'ranno; Maganono seyatanno.

FAARSO 49:18

Lubbotenni hee're qawaaxxi'rironna, qiniitisinni kainohunni mannu jajisiro nafa,

ERMIYAASI 5:30

Qarrisannohunna masisanno coyi, tenne baatto aana ikkino.

MAATEWOOSI 14:4

Yohaannisi Heeroodisira, «Rodiikki galte adhattokki gede Seeru hoolannohe» yiinosi.

MAATEWOOSI 3:15

Yesuusi kayinni, «Keeraanchimmate loosi baalu kunni garinni wo'ma hasiissanno daafira ikkona aguri» yiisi. Yohaannisino maahoyye yee cuuisi.

MAATEWOOSI 3:7

Yohaannisi kayinni lowo Farisootinna Saduqootu cuuantara isiwa dagganna lae, «Ki'ne buutete ooso, daanno hanqinni gattinanni gara ayi kuli'ne?

SOQQAMAASINETE LOOSO 12:22

Mannuno, «Tini Maganu huurooti ikkinnina mannunnita di"ikkitino!» yaanni canci.

SOQQAMAASINETE LOOSO 15:2

Phaawuloosinna Barnabaasi kunni coyinni hakko manni ledo lowo geeshsha coyi'rantuhu gedensaanni Antsookiyunni wole boode ammanaasine haadhe Yerusaalame marte, konne coye soqqamaasinetenna cimeeyyete hasaabbanno gede malli.

SOQQAMAASINETE LOOSO 19:9

Mitu mitu kayinni mokkookkite Mootichu doogo mannu albaanni mishshanni adha gibbeenna insawiinni agure ha'ri. Ammantinore insawiinni bade haa're ha're Xiraanoosi hari giddo barru baala rosiisinsa.

ROOMU SOKKA 1:32

Togoore assitannorira baalaho reyo maltinonsata kulannoha Maganu Seera affanni heedhenni, konne coye assitanno. Konne coye assitanni nooreno jawaachishshanno.

EFESOONI SOKKA 5:11

Guma afi'rinokkihu tunsichu loosi ledo namoontinoonte; hatteentenni xawo fushshe.

UMI TESELONQE 2:2

Ki'ne affininte gede, kunni albaanni Filiphisiyusi hee'nummo yannara, qarrinsoonninkenna xonnoonninke. Lowo geeshsha gimbinkerono ki'nera Dancha Duduwo kulleemmo'ne gede Maganinke jawaante uyinonke.

UMI YOHAANNISI 4:5

Insa tenne gobbareeti; kunnira, tenne gobbare coyidhanno; tini gobbano macciishshitannonsa.

YIHUDA 1:3

Jaalla'ya! Ledo gatore borreessammo'nera lowo geeshsha hasi'roommo; xa kayinni marro hingannikki garinni Maganu mannisira mitte hige uyino amma'nara jawaattine sharrantinanni gede seejjanni borreessammo'nera quuxaawoommo.