LAWISHSHA 28:10 - Qullaawa Maxaafa

¹⁰ Suwadda busha doogo qole haa're ha'rannohu, isi umisi umino balera uwanno; keeraanchoho kayinni geedo seekkannosi.

LAWISHSHA 28:10 ပူးပေါင်းရင်းမြစ်များ

FAARSO 139:24

Giddo'ya sao nooro lai; hegere doogo aanano ha'risie.

FAARSO 37:11

Shaqqaddu kayinni baatto ragidhanno; atootenna keere afidhe hagiidhitanno.

FAARSO 57:6

Baarigaarra'ya lekka'yara woshshaado wortino; lubbo'yano gadadissino; doogo'yara bale untino; kayinnilla, untino balera insanni qolte ubbino.

FAARSO 9:15

Daga uminsa untino balera ubbu; wortino woshshaadonni lekkansa amadantu.

LAWISHSHA 10:3

Kaaliiqi keeraano hudidhanno gede diassanno; bushuullu halcho kayinni wo'mitannokki gede assanno.

LAWISHSHA 15:6

Keeraanchu manchi mine jiro wo'mitanno; bushu manchi jiro kayinni qarra abbitanno.

LAWISHSHA 2:21

Tenne baattora hee'ra dandiitannori wodana subbinoreetinna ammanantinoreeti.

LAWISHSHA 21:20

Egennaamu manchi mine jironna danchu uduunni hee'ranno; gowwu kayinni nooha baala billaallise gudanno.

LAWISHSHA 26:27

Woleho bale umannohu, u'minotera isinni umanno; wolu aanira kincho gongo'mishannohura, kinchu aanaho jigannosi.

LAWISHSHA 28:18

Sumbetenni hee'rannohu gatanno; shokkado doogo ha'rannohu kayinni balete uwanno.

ROSIISAANCHO 10:8

Bale umannohu balete uwara dandaanno; huxxa diigannohano hamashshu qasannosiha ikkanno.

MAATEWOOSI 6:33

Ki'ne kayinni balaxxine Maganu Gashshootenna keeraanchimmasi hasidhe; hakkuyi ka'ire baala lendanni'nena.

GALATIYU SOKKA 2:4

Ikkollana luuxxe giddonkera e'inori kaphaano roduuwi barcimara hasidhino. Kuni manni luuxe e"e giddonketa shooqe Kiristoosi Yesuusinni afi'noommo wolapho hune, Ayihudete Seerira borojje assankeraati.

IBIRAAWOOTA 6:12

Amma'natenninna cincatenni kaajjite Maganu hedinonsa coye ragi'ranno manna labbinanni gede ikkinnina, cee'maleeyye ikkitinannita dihalchineemmo.

UMI PHEEXIROOSI 3:9

Maassidhe ikkinnina, bunshe bunshetenni, xonono xonotenni qoltinoonte. Ki'ne woshshinoonni'nehu hakko garinni maasso ragidhinaraati.

YOHAANNIS AJUUJA 2:14

Ikkollana misheemmohehu mitu mitu coyi no. Hakkuno, Beleaami roso adhinohu shiimu manni mereero'ne no. Beleaami, Israeelete manni kaphu magannara kakkalloonniha itannonna fooranno gede Baalaaqira mala uyino manchooti.

UMI SAAMUEELI 26:19

Xaano moote mooticha'ya, ani soqqamaanchikki yeemmota macciishshie. Ane aana ate Kaaliiqi wore agurinoheha ikkiro, hoolannoe gede kakkalo shiqishi'reemmo. Konne coye kayinni mannu assanni nooro, Kaaliiqi doorino gobbanni fule ha're wole maganna magansi'nanni gobbara hee'reemmo gede assitinoe daafira, hakkuri Kaaliiqi albaanni rumantinore ikkito.