LAWISHSHA 27:24 - Qullaawa Maxaafa

²⁴ Jiro hegerera diheedhanno; ayirrinyuno ilamate ilama geeshsha di"iillanno.

LAWISHSHA 27:24 ပူးပေါင်းရင်းမြစ်များ

LAYINKI SAAMUEELI 7:16

Aye yannarano sirchikki giddonni gashshootekki ragi'rannohu dihooganno; qoleno gashshootekki geedonniha asseemmo› yiino yite kulisi» yii.

IYYOOBI 19:9

Ayirrinye aani'yanni mulqino; egennaminoha su'ma'ya shollishino.

FAARSO 89:36

Sirchisi hegere hegerera moohanno; minisi gashshooti arrishsho heedhanno geeshsha keeshshanno.

FAARSO 89:39

Borojjichikki ledo eootto gondoorono diigootto; ba'lattosino bushshaho tugootto.

LAWISHSHA 23:4

Jirote yite atenee orbaassooti; hakko daafurinni gatate egennaamo ikki.

LAWISHSHA 23:5

Jiro iima hige buuwanno allamurchi gede, ati la'anna hedeweelcho qoola assidhe buubbe ba'anno.

ROSIISAANCHO 5:13

Kalqete aana mitto dadillisanno coye afoommo. Hakkuno, mannu bushu barrira ikkitannoe yee lowo jiro gamba assi'ranno. Tini jirono hedeweelcho gooffe beettoho sa'ukkinni gattanno.

ISAYAASI 9:7

Wolqasira gawalo dino; gashshootisira hegere keeri wo'mino. Isino Daawiti mootimma amade, taashshe halaalunni gashshanno. Olantote Mootichi Kaaliiqi laala, konne coye assitanno.

ERMIYAASI 13:18

Kaaliiqi mootetenna mootete amara, «Ayirrinyi'ne ba'latto umi'ne aaninni ubbinona, ayirradu barciminsa aaninni dirritanno gede kulinsa.

ERMIYAASI QURTO 5:16

Ayirrinyinke aaninkenni ho'lino; cubbo loonsoommona, ninkera bayisibao!

HIZIQEELI 21:26

Ani Mootichu Kaaliiqi konne coye coyi'roommo: Umikki ba'latto hooli; xaaxi'rootto hocco tiri. Kunni ka'a bashsho gede coyi horonta dihee'ranno; buxanete roorre uyitine, xa gashshite noore dirrisse.

SOFFOONIYAASI 1:18

Kaaliiqi hanqosi leellishanno barra, manna birrisinna culkisi gatisasira didandaanno. Giirate gede bubbanno laalasinni baatto hunanno. Baattote aana noori baalunku hedeweelcho giiramanno.

YAIQOOBI 1:10

Mannu jiro daraarchu gede giggiltanno daafira hee'ranno heeshshonni aliidiha ikkinohu amma'nate rodii, Maganu heeshshosinni woriidiha assisirono tashshi yoosi.

UMI SAAMUEELI 13:14

Xa kayinni gashshootikki digeedanno. Kune, Kaaliiqi isi hedinore wonshanno mancho afi'rino. Ati hajajosi agadha gibbeenna, Kaaliiqi mannasi Israeele gashshanno gede iso doodhino» yii.