LAWISHSHA 27:23 - Qullaawa Maxaafa

²³ Ge'reewikki dana badde afi; saadakkino ille aanaho worte towati.

LAWISHSHA 27:23 ပူးပေါင်းရင်းမြစ်များ

KALAQAMA 33:13

Yaiqoobi kayinni, «Mooticha'ya, ooso jawaattinore ikkitinokkita ati afootto; qansidhanno saadara, wilii'linsaranna siittinsara qoropha hasiissannoe; mitto barra nafa muddine ganniro saada baalanti gooffanno.

LAYINKI DUDUWO 26:10

Lowo saada noosi daafira, galchimi gaarra hundanna xawoho katamaho gobbaanni qotote shae seekki'rino; wayinnitano lowo bu'a u'mino. Baatto loosi'ra baxanno daafira, gaarrate hundanna shaqqado baattora loosannohunna woyine kaasanno manni noosi.

FULO 7:23

Yinoonni coye baala maanko yiikkinni galagale minira ha'ri.

LAWISHSHA 24:27

Gobbayidire balaxxe biddi assi'ri; gatikki loosono guxxi; hakkunni gedensaanni mine mi'ni.

LAWISHSHA 24:32

Anino konne coye heeshshi gotti asse lae, umi'yara seejjo adhoommo.

ERMIYAASI 31:10

Ki'ne daga! Ani coyi'reemmore macciishshe! Yeemmore qaccete fafowa noorira, ‹Manna'ya billaallisoommo; xa kayinni gamba asse, allaalaanchu gede allaaleemmonsa› yiino, yitine lallabbe.

HIZIQEELI 34:12

Ge'reewu allaalaanchi billaallino ge'reewo gamba asse allaalannonte gede, anino mittowa gamba asse seekke allaaleemmonsa. Hakkunni tunsichunna qarru barrinni billaallitino dargi baalunkunni gamba asseemmonsa.

HIZIQEELI 34:31

Mootichu Kaaliiqi, «Ki'ne ge'reewi'ya, qanchi'ya hoshshaati. Ani Magano'neeti; ki'neno manna'yaati. Konne coye coyi'roommohu ani Mootichu Kaaliiqaati» yii.

YOHAANNISI 10:3

Waalcho agarannohu allaalaanchoho cufana fanannosi; ge'reewu allaalaanchunnita huurosi egennino; isino ge'reewosi su'minsanni woshshannonsa. Hakkunni gedensaanni albaanni ha'ranni gobbara fushshannonsa.

MARRO 32:46

«Konne Seera baalanka seekkite agadhitanno gede ooso'neno hajajjinara, ani techo faajjete kuleemmo'ne coye baala wodani'nera wodhe.

UMI PHEEXIROOSI 5:2

Eeggo uyinoonni'neta Maganu hoshsha allaalle; allaaltinanni woyiteno Maganu hedo garinni baxxine allaalle; woxeho hagaagatenni ikkikkinni, soqqamate noo'ne halchonni ikkona.

UMI SAAMUEELI 17:28

Bayiriidi rodiisi Eeliyaabi, Daawiti mannu ledo hasaawanni noota afe lowo geeshsha hanqe, «Konniicho ma"assitanni nootto? Hakkonne ge'reewo halalla ayera agurte dayotto? Naaxxakkinna wodanikki bunshe afoommo; dayottohu ola la"attoraatillana» yiisi.