LAWISHSHA 26:27 - Qullaawa Maxaafa

²⁷ Woleho bale umannohu, u'minotera isinni umanno; wolu aanira kincho gongo'mishannohura, kinchu aanaho jigannosi.

LAWISHSHA 26:27 ပူးပေါင်းရင်းမြစ်များ

ASTEERI 7:10

Kunnira Haama Merdookiyoosi sutara qixxeessino dawera massine sunti. Hakkunni gedensaanni mootete hanqi qiidi.

ASTEERI 9:25

Asteeri kayinni mootenniwa marteenna, mooteno hajajino hajajo borreessine iillinshanni gede assino. Hatte hajajonni Haama Ayihude gudisiisara hedino hedo umisira higgino. Isinna tonnenti oososino dawete aana sutantino.

FAARSO 10:2

Bushu manchi boo'nasinni buxicho qarrisanno; assino xagarro umosi qolte amaddanno.

FAARSO 57:6

Baarigaarra'ya lekka'yara woshshaado wortino; lubbo'yano gadadissino; doogo'yara bale untino; kayinnilla, untino balera insanni qolte ubbino.

FAARSO 9:15

Daga uminsa untino balera ubbu; wortino woshshaadonni lekkansa amadantu.

LAWISHSHA 28:10

Suwadda busha doogo qole haa're ha'rannohu, isi umisi umino balera uwanno; keeraanchoho kayinni geedo seekkannosi.

LAWISHSHA 5:22

Busha mancho assino cubbi amadannosi; umisi cubbi woshshaado ikkannosi.

ROSIISAANCHO 10:8

Bale umannohu balete uwara dandaanno; huxxa diigannohano hamashshu qasannosiha ikkanno.

ISAYAASI 3:11

Sao assitannori kayinni wolootu aana assitino sao daafira malinonsa qoricha adhitannona insara aanne'e!

ISAYAASI 3:8

Yerusaalame sarraaqante doogote aana no; Yihuduno uwara rahe no; coyinsanninna loosinsanni Kaaliiqa fonqolte ayirrinyesi shotissino.