20 Bushu geedo diafi'rino; caabbichisino xoanno.
Qolle uyinannisiri nookki daafira, umosi so'risiisanni kaphu coye amma'na dihasiissannosi.
«Cubbaataammu caabbichi xoe egenninoni? Insa giddonni qarra afe egenninohu nooni? Maganu bushuulle hanqunni gane egenninoni?
Bushuullu aana ruqanonna giirate buwano dirrisanno. Giirtanno diilallo abbe aanaho ganannonsa.
busha manna la'e giirantooti; bunshe assitannore hinaassooti.
Cubbaataammu jeennaate e'anno; Magano habbannori baalunku hatto ikkitanno.
Keeraanote caabbichi warri yee xawanno; bushuullu caabbichi kayinni xoanno.
Wodanisinni busha malannohura diqinaannosi; lamu arrawinni coyi'rannohu qarru aana uwanno.
Annasi woy amasi xonannohu, barri-male tunsichu giddora eanno.
Boonaleessaho, boollaqi'rannohuranna bushaho caabbichinsa cubboho.
Hatto assittoro, hexxokki diba'anno.
Sao assitannori kayinni wolootu aana assitino sao daafira malinonsa qoricha adhitannona insara aanne'e!
Balalootu seenni busuloota, ‹Caabbichinke xoaraatina laambi'ne aaninni shiima uuyyenke› yii.
Konne Gashshoote ragidhanno yine hendoonnire kayinni gobba tunsichoho tunganni. Hakkiicho wi'litanni suumensa ittanno» yii.
Saalsiissanno ikkitonsaha hambaa karfa yitanni, hanqe dayinoha baaru dambala labbanno; hegere geeshsha beebbu tunsichi agare noonsa; ka'anna kawa raataabbanno beeddahe gedeereeti.