LAWISHSHA 23:5 - Qullaawa Maxaafa

⁵ Jiro iima hige buuwanno allamurchi gede, ati la'anna hedeweelcho qoola assidhe buubbe ba'anno.

LAWISHSHA 23:5 ပူးပေါင်းရင်းမြစ်များ

KALAQAMA 42:36

Anninsa Yaiqoobino, «Ilaweelo assitine gatissinie; Yooseefi dino; Simioonino dino; Biiniyaamino anewiinni haadhine hadhinaraati; kuni manchiti baalu anella amadanno» yiinsa.

IYYOOBI 27:19

Duroo'me hee're goxanno; baqqi yaanno woyite kayinni, buxima agarte noosi.

FAARSO 39:6

Beebballa daafurannota ikkinnina, mannu caalimma sa"annoho; duunannota ikkinnina ayi gudhannoro diafino.

LAWISHSHA 27:24

Jiro hegerera diheedhanno; ayirrinyuno ilamate ilama geeshsha di"iillanno.

ROSIISAANCHO 1:2

Rosiisaanchu: Haafaho, haafaho, haafu haafaati; baalunkuri haafaho!

ROSIISAANCHO 12:8

Rosiisaanchu, «Haafaho! Haafaho! Baalunkuri haafaho!» yii.

ISAYAASI 55:2

Kaa'litannori nookki sagalera woxe mayira fushshidhinanni? Duushshitannokki sagalera mayira daafurtinanni? Ani yeemmota macciishshitinoommero, woyyitino sagale afidhine hagiidhitinanni.

ERMIYAASI 22:17

Ati beebbaataamo shaanna, manna gadadisalla egennootto; illekkinna wodanikki hanaaqunni jiro gamba assi'ralla hassanno.

ERMIYAASI 39:12

«Marte Ermiyaasi danchu garinni towatisi; hasiisannore baala assisi; mittu coyinnino gadadissootisi» yee hajaji.

MAATEWOOSI 6:19

Yesuusi, «Daanillu qasannotera, bile ittannoteranna mooraanchu ume adhannotera tenne baattora jiro duu'nitinoonte.

UMI XIMOOTEWOOSI 6:17

Tenne gobba dureeyye naaxxa woy hawaqi'nannikki coye hexxa agurte, ninke hagiirsiisate yee baalanka coye halashshe aannonke Magano hexxitanno gede hajajinsa.

UMI YOHAANNISI 2:16

Tenne alame aana noori baalu: maalu yorto, illete halchishannorinna jirote naaxxa tenne alamereeti ikkinnina, Maganu Annuwiinni dagginota di"ikkitino.