LAWISHSHA 22:29 - Qullaawa Maxaafa

²⁹ Jawaata loosaasincho egennootto? Isi shollaataammu manni albaanni ikkikkinni, mootoollate albaanni uurranno.

LAWISHSHA 22:29 ပူးပေါင်းရင်းမြစ်များ

KALAQAMA 41:38

Ferioonino ledosi gashshaanora, «Maganu ayyaana afi'rinoha togoo mancho wole diafi'neemmo» yiinsa.

KALAQAMA 41:46

Yooseefi Gibitsete moote Ferioonira soqqama hanafi yannara dirisi sajjooho. Isino mootete mininni fule, Gibitsete baatto baala ha're towati.

KALAQAMA 47:6

Gibitsete baatto angakki noona, annakkinna roduuwakki woyyitino baatto Geeseemitera heedhanno gede assinsa; insa giddonni saada seekkite allaala egentinore afoottoha ikkiro ane saadano annimmatenni towattanno gede assi» yee coyi'ri.

LAYINKI SAAMUEELI 2:32

Iyoaabinna ledosi noori Asaheeli reeshsha haadhe massite Beetelihemete ayiddisi waammawa madaartu. Hakkunni gedensaanni, hashsha wo'ma hadhanni galte duu'mo saaqquta marte Kebirooni iillitu.

UMI MOOTOOLLA 10:8

Mulekki hee're hayyonniha hasaawakki macciishshannohu mannikkinna ledokki gashshaano ba'raadhinoreeti!

UMI MOOTOOLLA 11:28

Iyorbiaami jawaatanna ogeessa ikkinota afe, Minaasenna Efireemi ga're giddo wolqate looso loossannorira roorricha assinosi.

UMI DUDUWO 4:23

Insa mootete minira doru uduunne gantannoreeti; heedhannohuno Nexaiiminna Gedera yinanni katammaraati.

LAWISHSHA 10:4

Cee'ma buxissanno; jaate loosi'ra kayinni duroonsitanno.

LAWISHSHA 12:24

Jaate loosi'ra mannaho aliidiha assitanno; cee'ma kayinni borojjimmate tugganno.

LAWISHSHA 23:1

Ayirradu manchi ledo itattora ofollatto woyite, albakkiinni noore wodanchite lai.

ROSIISAANCHO 9:10

Reyittohu gedensaanni marattowa loosu, hedo, egennonna hayyo dinona, nootto geeshsha noohe wolqa baalantenni loosi.

DAANIEELI 1:19

Moote baalanka hasaawisi yannara Daanieeli, Hanaaniya, Mishaeelinna Azaariyaasi ledo taalinohu wolu mittuno dino. Kunni daafira moote muli amaalaasine asse doodhinsa.

DAANIEELI 1:4

Doorantanno wedellino mootete gashshooti mine soqqamate guuta manna ikkitanno gede dana xumuulle, egenno baala wodanchanna wo'manka coye rakke buuxa dandiitannore, uurrinsha subbinore ikka hasiissannonsata qaagiissino. Qoleno Baabiloonootu afoonna borreessate gara rosiisannonsa gede hajajisi.

MAATEWOOSI 25:21

Mootichisino, ‹Dancha assootto! Ati ammanamoottohonna dancha soqqamaanchooti. Shiimurira ammanamoottona, loworira shoomeemmohe. Amo Mootichikki hagiirre gutami!› yiisi.

MAATEWOOSI 25:23

«Mootichisino, ‹Danchaho! Ati ammanamoottohonna dancha soqqamaanchooti. Shiimurira ammanamoottona, loworira shoomeemmohe. Amo Mootichikki hagiirre gutami!› yiisi.

ROOMU SOKKA 12:11

Jawaattine loosse ikkinnina, cee'maleeyye ikkitinoonte. Ayyaanunni laalaattine Mootichahono soqqamme.

LAYINKI XIMOOTEWOOSI 4:2

Qaale kuli; injiiherono injaa hoogiherono wo'manka woyite jawaatte loosi. Xawisse kultanni, hayi yitanninna seejjitanni, cincatenninna rosiisatenni jawaati.

UMI SAAMUEELI 16:21

Daawitino Saaooliwa daye soqqanshosi hanafi. Saaoolino Daawiti lowo geeshsha baxe, bagadosi duhannoha assi'risi.

UMI SAAMUEELI 17:31

Saaoolino Daawiti coyi'rino coye macciishshe, manna soye woshshiishisi.