LAWISHSHA 21:8 - Qullaawa Maxaafa

⁸ Sao loosannohu doogo shokkashshote; keeraanchunniti kayinni suwashshote.

LAWISHSHA 21:8 ပူးပေါင်းရင်းမြစ်များ

KALAQAMA 6:12

Maganu baatto lowo geeshsha bushu loosinni battaabbinota afi; kuneeti mannu baalu baattote aana bunshe loosanni noota lai.

LAWISHSHA 15:26

Kaaliiqi bushu manchi hedo giwanno; fayyaaleessu coyi'ranno coyi kayinni hagiirisiisannosi.

LAWISHSHA 2:15

Coyidhinotenni hossannokkireetinna hexxinannikkireeti.

LAWISHSHA 21:9

Afoo busha galte ledo mitto mine galantenni, gobba hee'ra woyyate.

LAWISHSHA 30:12

Lowo geeshsha battaabbe heedhe, insanaa keeraano assite kiirtannori no.

ROSIISAANCHO 7:29

Maganu manna suwise kalaqinota calla afoommo. Mannu kayinni, lowo geeshsha shokkashshoho.

ROSIISAANCHO 9:3

Kalqete aana baalunkurinni roore bushu coyi no. Hakkuno baalunku gawalo mitte ikkaseeti. Mannu wodanira bunshe wo'mitino. Wodanisira bunshenna macharaarre wo'mitino gedeenni hee'ranno. Hakkunni gedensaanni reyanno.

ISAYAASI 26:7

Keeraanote doogo suwashshote; ati suwashshu Magani doogonsa taashshatto.

ISAYAASI 59:8

Mannu ledo keere hee'nanni gara diegentinoonni; doogo'ne baalate halaalu dino. Hadhinanni doogo baala shokkashsho ikkitino daafira, hakkaanni hige ha'rannohu baalu keere diafi'ranno.

DAANIEELI 12:10

Lowo manni ko'rishantenna ximbiiwante fulte kullanniri nookkire ikkitanno. Haxawarrootu kayinni mittoreno wodanchitannokkihura bunshete aana bunshe leddanno. Wodancha dandiitannori egennaamma callaho.

MAATEWOOSI 12:33

Yesuusi lede, «Haqqicho baala gumisenni anfanni daafira, haqqicho dancha assidhe; gumiseno dancha ikkanno'ne. Haqqicho busha ikkituro kayinni, gumiseno busha ikkanno.

MAATEWOOSI 5:8

Xalalu wodaniri ba'raadhinoreeti; Magano la'annona.

SOQQAMAASINETE LOOSO 15:9

Wodanansa ammanatenni keereensino daafira, ninkenna insa mereero badooshshe diworino.

UMI QORONTOOSI 3:3

Xaa geeshsha ki'ne maalu mannaati. Mimmito'ne hinaassinannihunna mimmiti'ne ledo moromantinannihu, dimaalu manna ikkitinoonnihuraati? Ikkito'ne mullichu mannita di"ikkitino?

TIITO 1:15

Keeraanote, baalunku coyi keeraanchoho. Battaabbinoriranna ammantinokkirira kayinni, keeraanchu coyi mittuno dinonsa. Hakkiinnino sae, wodaninsanna tii"insa battaawinoho.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

TIITO 3:3

Ninke alba hawanyootaho; hajajammeemmokki so'ranyootaati; yortotenna addi addi qawaaxxora borojje ikkinoommoreeti; bunshenna dhiibbe noonkereeti; giwamaasinete; mimmito gimbeemmoreeti.

TIITO 3:5

ninke keeraanchimmanni ikkikkinni, isi maarosinni gatisinonke. Gatisinonkehuno haaro ilama hayishshi'ranninna Qullaawu Ayyaani widoonni afi'noommo haaroo'manniiti.

UMI YOHAANNISI 2:29

Isi keeraancho ikkinota affiniro, keeraanchimmate looso loosannohu baalu Maganu ila ikkinota egenne.

UMI YOHAANNISI 3:3

Isinni tenne hexxo afi'rinohu baalu, isi gedee keeraancho ikkate isonoo keereensi'ranno.