23 Afoosinna arrawosi agadhannohu, lubbosi qarrunni gatisi'ranno.
Kaaliiqa'ya ballo, afii'yara agaraancho wori; suume'yara allaalaanchono uurrisi.
Lowo coyi giddo so'ro dihoogganno; egennaamu manchi kayinni arrawosi eemadhanno.
Busha mancho coyi'rino coyi amadannosi; keeraanchu manchi kayinni qarrunni gatanno.
Arrawosi eemadhannohu lubbosi agadhanno; afi gede coyi'rannohu kayinni ba"anno.
Keeraanote doogo bunshetewiinni faffinote; doogosi agadhinohu lubbosi agadhinoho.
Reyonna heeshsho arrawu aana no; kunnira, mannu coyi'rinore adhanno.
Arrawosi eemadhikkinni Magano magansi'reemmo yaanno manchi umosi doganno; isi magansi'ra haafaho.