LAWISHSHA 21:21 - Qullaawa Maxaafa

²¹ Keeraanchimmanna shaqqille baxanno manchi seeda diro hee'ranno; wolu mannino ayirrisannosi.

LAWISHSHA 21:21 ပူးပေါင်းရင်းမြစ်များ

MAATEWOOSI 5:6

Keeraanchimmate daafira hudidhannorinna goodhannori ba'raadhinoreeti; kassino yitannona.

UMI QORONTOOSI 15:58

Kunnira ki'ne ayirradda roduuwa'ya, Mootichaho soqqantinanni daafurtinoonni daafuri mullawa gatannokkita affinoonnina, Mootichu looso wo'manka woyite agurtinikkinni kaajjitine loosate hixamanye!

LAWISHSHA 22:4

Umo heeshshi assanna Kaaliiqa waajja, jirote, ayirrinyehonna heeshshote.

IBIRAAWOOTA 12:14

Mannu baalu ledo keere hee'ratenna qullaawoota ikkate jawaatte! Qullaambe nookkiha ayino Kaaliiqa la"a didandaanno.

UMI XIMOOTEWOOSI 6:11

Maganu mancho! Ati kayinni kunni baalu coyiwiinni xooqi; keeraanchimma, ayyaanaame heeshsho, ammana, baxille, cinca, arshimma ha'runsi.

LAWISHSHA 15:9

Kaaliiqi cubbaataammu doogo giwanno; danchummate hoode ha'rannoha kayinni baxanno.

LAYINKI XIMOOTEWOOSI 2:22

Busha qeedhichimmate yortowiinni xooqi. Xalalu wodaninni Mooticha woshshidhannori ledo keeraanchimma, ammana, baxillenna keere ha'runsi.

ISAYAASI 51:1

Kaaliiqi, «Anenna gatisaanchimma'ya hasidhinanniri macciishshe! Fance haa'noonni'ne kinchonna, umme fushshinoonni'ne bale qaagge!

UMI PHEEXIROOSI 1:7

Hakku qarri iillanno'nehu ammana'ne halaalaanchimma buuxateeti. Ba"anno culka nafa giiratenni fonqolle la'nanni; culkunni roore ayirrado ammana'neno hattonni fonqolama hasiissannose. Tini fonqolantinoti ammana'ne Yesuusi Kiristoosi daanno barra galata, ayirrinyenna gaamaarre uyitanno'ne.

ROOMU SOKKA 14:19

Mannu ledo keere hee'nanni garanna mimmito dhaambanni doogo ha'rate diinaggaambo.

UMI TESELONQE 5:21

Baalanka coye fonqoltine la'e; dancha ikkinoha adhe.

FILIPHISIYUSI SOKKA 3:12

Hedoommowa di"iilloommo; woy konne baala guutoommo yee diafeemmo. Ikkollana, Yesuusi Kiristoosi ane isiha assi'rinoe daafira, anino qixxeessinoere adhammora dodanni noommo.

HOOSEI 6:3

Amme, Kaaliiqa afate lowo geeshsha diinaggaambona. Isino soodimari xawaabbinna baatto duushshannohu badheessi xeeni gede addinta ninkewa daanno» yaanno.

LAWISHSHA 3:22

Kuri hee'rihero, heeshshokki seedanna biiffinota ikkitanno.

FAARSO 112:4

Maaro, shaqqillenna sumbe afidhinorira danchuullu mannira, tunsichu giddo xawaabbu fulannonsa.

LAWISHSHA 10:16

Danchumma heeshsho uyitanno; cubbu kayinni cubbolla ledanno.

LAWISHSHA 11:19

Keeraanchimma cu'mi're hee'rannohu, heeshsho afi'ranno; bunshete hoode ha'rannohu kayinni reyanno.