LAWISHSHA 20:9 - Qullaawa Maxaafa

⁹ «Wodani'ya keeraanchoho; cubbuno dinoe» yaannohu nooni?

LAWISHSHA 20:9 ပူးပေါင်းရင်းမြစ်များ

UMI MOOTOOLLA 8:46

«So'rannokkihu nookki daafira, mannikki cubbo looseenna hanqite diininsa qeelannonna qafade wole gobba xeerto woy mulira haa're ha'rannonsa gede assatto.

LAYINKI DUDUWO 6:36

«So'rannokkihu nookki daafira, mannikki cubbo looseenna hanqite diininsa qeelenna qafade wole xeerto gobba woy mulira haa're ha'rannonsa gede assatto.

IYYOOBI 14:4

Battaawinori giddonni battaawinokkire, fushshara dandaannohu nooni?

IYYOOBI 15:14

«Mannu fayyaaleessa ikkara dandaannoni? Halaalinta Maganu albaanni keeraanchu nooni?

IYYOOBI 25:4

Maganu albaanni, mannu keeraa'mara, ilaminohu baalu fayyaaleessa ikkara dandaannoni?

FAARSO 51:5

Ilamummo barrinni kayise ani bushaho; godowamummo yannanni kayise ani cubbaataamoho.

ROSIISAANCHO 7:20

Mitte so'rono assikkinni, wo'manka woyite dancha looso calla loosannohu baattote aana mittuno dino.

ROOMU SOKKA 3:9

Hatto ikkiro ninke Ayihude dagatewiinni woyyineemmo coyi noonke yaateni? Horonta hatto di"ikkino! Ayihudeno ikkito daga, mannu baalu cubbaataamo ikkinota balaxe coyi'roommo.

UMI QORONTOOSI 4:4

Anera giddo'ya keeraanchote; hatti kayinni ane fayyaaleessa diassitannoe. Ane aana yoo yaa dandaannohu Mooticha Yesuusaati.

YAIQOOBI 3:2

Ninke baalunku wo'manka woyite so'neemmo; arrawosi eemadhannohu, isonoo qee'linoho; guuta manchooti.