LAWISHSHA 20:24 - Qullaawa Maxaafa

²⁴ Mannu ha'ranno doogo kulannohu Kaaliiqaati; hatto ikkina, ha'ranno doogo mannu umisinni hiitto ikke afannoyya?

LAWISHSHA 20:24 ပူးပေါင်းရင်းမြစ်များ

FAARSO 25:12

Waajjannosi manna, Kaaliiqi doorantino doogo aana ha'risannonsa.

FAARSO 25:4

Kaaliiqa'ya ballo, ha'rumakki leellishie; doogokki rosiisie.

FAARSO 37:23

Kaaliiqi mannu qaafo suwisanno; ha'rinshonsannino hagiidhanno.

LAWISHSHA 14:8

Egennaamoho egennosi doogo kultannosi; hawanya kayinni hambesi huntannosi.

LAWISHSHA 16:1

Mannu wodanisinni hedanno; hendoonniri wo'mannohu kayinni Kaaliiqi yiino garinniiti.

LAWISHSHA 16:9

Mannu wodanisinni hedanno; hendoonniri wo'mannohu kayinni Kaaliiqi yiino garinniiti.

ERMIYAASI 10:23

Kaaliiqa'ya, mannu heeshsho angasi nookkitanna, ha'rinshosino mannu umisi qineessi're dandaannokkita afoommo.

DAANIEELI 5:23

Hakkiinnino sa'e gordu Mootichi aana boo'natenni umokki gotti gotti assootto. Maganu Mininni gurre abbinoonni uduunne abbisiisseenna atinna ayirraddikki, qataanyunnihunna irkote meentikki woyinete xajje agginoonni. Agginihu gedensaanni la"a woy macciishsha dandiitannokkirenna mittoreno assite affannokkire culkunni, birrunni, camotenni, siwiilunni, haqqetenninna kinchunni seekkinoonni maganna galaxxitinoonni. Shaahera woy gatisahera dandaannohanna assattore baala afannoha Heeshshote Magano kayinni diayirrisootto.

SOQQAMAASINETE LOOSO 17:28

Lubbotenni hee'noommohunna milli yineemmohu isinniiti; hee'neemmohuno isinniiti. Hakkuno geewaano'ne, ‹Ninke baalunku isi oosooti› yitino gedeeti.