LAWISHSHA 20:1 - Qullaawa Maxaafa

¹ Woyinete xajje coyi'rammicha assitanno; agu giwamaancho assanno; agaasinete hoode ha'ra gowwimmate.

LAWISHSHA 20:1 ပူးပေါင်းရင်းမြစ်များ

LAYINKI SAAMUEELI 11:13

Layinki barra, Daawiti Ooriyora hurbaate itise, dimba geeshsha aganno gede assisi. Hakko hashshano Ooriyo minisira ha'rikkinni mootete mini agaraasine ledo kadhe gali.

LAYINKI SAAMUEELI 13:28

Soqqamaanosirano, «Aminooni woyinete xajje age dimbanno yanna la'e. Ani shiiyye yeemmo'ne yannara waajjitinikkinni shiiyye. Kunni coyira xa'mameemmohu aneetina bashshi assitinoonte» yee hajajinsa.

LAWISHSHA 23:20

Agaasinete ledo hossooti; lowo maala ita baxxannori ledono waartooti.

LAWISHSHA 31:4

Limueeli'ya, macciishshie! Mootoolla woyinete xajje aga dihasiissannonsa; woy dimbissanno agattora hagaaga dihasiissannonsa.

ISAYAASI 28:7

Qeesootunna himanaano nafa dimbite gaggabbanno. Lowota woyinete xajjenna dimbissanno agatto aggeenna wodanu soorrameenna Kaaliiqi aannonsa ajuuja nafa dibuuxxanno; ku'linanninsa coye nafa garunni coyidhe ditirtanno.

ISAYAASI 5:11

Dimbitara yite gutte agu minira hadhannoriranna giddo bubbansa geeshsha agu mine hashshiishidhannorira aanne'e!

ISAYAASI 5:22

Woyinete xajje agate bareeddaranna dimbissanno agatto karsiisidhanno worbootira aanne'e!

ISAYAASI 56:12

Insa insanaa, ‹Amme woyinete xajje adhine, ange dimbinona! Ga'a barri techohu gedeenkalla ikkannona, woy isinni techohunni woyyinoha ikkanno› yitanno» yii.

HOOSEI 4:11

Kaaliiqi, «Foorre, galonna haaro woyinete xajje manni'ya wodana huntino.

HOOSEI 7:5

Mootensa jili barra, gashshaano lowota woyinete xajje agge dimbite dhiwantu. Tima ganannohuno haariimannosi mannira malaate leellishara angasi kayisi.

LEEWAAWOOTA 10:9

«Atinna oosokki woyinete xajje woy dimbisannore aggine Xaadu Dukkanira e'inoonte. Hatto ikkitiniro reyitinanni. Kuni seeri ki'neranna ooso'ne oosora hegerera aamaminoho.

IMBAAQOOMI 2:5

Jiro manna dogganno. Jirote hagaaggannori boonaleeyyete. Mitto darga difooliishshidhanno. Insa waammate gedee hafuuraammaati; reyote gede ikkinonke diyitannoreeti. Gobba horritannohunna manna qafaddannohu kunniraati.

UMI QORONTOOSI 6:10

mooraano woy hafuuraammu woy dimbaasine woy mannu su'ma huntannori woy mulqidhannori Maganu Gashshoote diragidhanno.

GALATIYU SOKKA 5:21

dhiibbete, manna shaate, dimbate, sirbatenna woluno kore lawannoho. Balaxe kulummo'nente gede xaano lede yeemmo'nena, hattoo coye assitannori Maganu gashshoote diragidhanno.

EFESOONI SOKKA 5:18

Huntanno'nena woyinete xajje aggine dimbitinoonte. Hatteentenni Qullaawu Ayyaani wo'mo'ne.