LAWISHSHA 2:6 - Qullaawa Maxaafa

⁶ Egenno aannohu Kaaliiqaati; egennonna buuxa daggannohu isiwiinniiti.

LAWISHSHA 2:6 ပူးပေါင်းရင်းမြစ်များ

UMI MOOTOOLLA 10:24

Gobba baalate hee'ranno manni Maganu uyinosiha hayyote hasaawa macciishshate isiwa daa halchanno.

UMI MOOTOOLLA 3:12

kune huucci'roottore eemmohe. Kunni albaanni ayerano nookkita, kunni ka'ano afi'nannikki egennonna wodancha eemmohe.

UMI MOOTOOLLA 3:9

Kunnira, bushanna dancha bade afe, mannakki halaalunninna taalotenni gashsheemmo gede egenno uyie. Hakkunni ka'a konne bati'ra mannakki hiitto asse gashsheemmo?» yii.

UMI MOOTOOLLA 4:29

Kaaliiqi Selemoonira lowo hayyonna wodancha, hattonni gawalo nookki egenno uyinosi.

UMI DUDUWO 22:12

Israeelete aana roorre aannohe yannara, seerisi garinni gashshatto gede Maganikki Kaaliiqi egennonna hayyo oohe.

IZIRA 7:25

«Izira, atino Maganikki uyinohe ogimma garinni, Efiraaxisira Awuraajji Galchimihura hee'ranno manni baalunkura, gashshaanonna coye affannore worinsa. Insano Maganikki seera egentinore ikka hasiissannonsa; egenninokkihu hee'riro ati umikki rosiisi.

NEHIMIYA 7:5

Kunnira Maganu albisoota, roorrootanna wole manna gamba asseemmo gedenna maatensa borreessantino gedeenni buuxeemmo gede kulie. Hakkunnira albaanni qafadotenni higginori sirchi ilama taje afi'roommo. Afi'roommo tajeno kunninni aante noote:

IYYOOBI 12:13

Maganunniwa egennonna wolqa no; amaalenna wodancha isiwa no.

IYYOOBI 12:16

Wolqanna egenno isiwa no; dogamannohanna dogannoha gashshannohuno isooti.

IYYOOBI 22:22

Maganu rosiisannohere macciishshi; qaalesino wodanikkira wodhi.

IYYOOBI 32:8

Ikkollana, mannaho egenno aannohu, Wo'manka Dandaanno Magani ayyaanaati.

FAARSO 119:104

Wogakkinni hayyo afi'roommo; kunnira, busha hoshsha giwoommo.

FAARSO 119:34

Ayirriseemmo gedenna, wo'mu wodani'yanni agadheemmo gede seerakki xawisie.

FAARSO 119:98

Hajajokki wo'manka woyite ledo'ya no; baarigaarra'yanni roore wodancheemmoha assitannoe.

FAARSO 19:7

Kaaliiqi seeri guutaho; lubbo qolanno; Kaaliiqi hajajo ammanantinote; hawanya mancho egennaamo assitanno.

FAARSO 19:8

Kaaliiqi amanyaati taaloho; wodana tashshi assanno. Kaaliiqi hajajo xawadote; illeno fantanno.

FAARSO 51:6

Ati halaalenna sumbe baxatto; wodani'yara egennokki wonshie.

FAARSO 94:10

Daga baala seejjannohu insa diqorichishanno? Manna wo'manka rosiisannohu, isi egenno diafi'rinoho?

FULO 31:3

Looso baalanka buuxatenninna xiinxallatenni, hayyotenninna ogimmatenni loosa dandaanno gede Ayyaana'ya wonshoommosi.

LAWISHSHA 6:23

Hajajonsa caabbichoho; rosiishshinsano xawaabbaho; seejjonsano hee'ratto gara kultannohe.

ROSIISAANCHO 2:26

Tashshi assannosihura Maganu hayyo, egennonna hagiirre aannosi. Cubbaataamoho kayinni Magano hagiirsiisannohura aanno gede gamba assatenna duunate dilgo calla aannosi. Kunino haafaho; diilallo cu'mate gedeeti.

ISAYAASI 54:13

«Oosokki baala ani Kaaliiqi rosiiseemmo; oosokki keerino bati'rinoha ikkanno.

ISAYAASI 8:20

Kunni mannira Kaaliiqi Seera kulle! Insano Kaaliiqi qaali garinni coyi'ra hoogguro illetenni xawaabba diaffanno.

DAANIEELI 1:17

Maganuno kuri shoolunku wedellira egennonna hayyo uyinsa. Qoleno borrote egenno wodancha uyinsa. Daanieelira kayinni hakkiinni sayise ajuujanna haaqee tirate egenno uyisi.

DAANIEELI 2:21

Isi yannanna wogga soorranno; mootoolla moohisanno; qoleno mootimmate aaninni dirrisanno. Egenno egennaammaho, hayyo wodanchitannorira aannohuno isooti.

DAANIEELI 2:23

Akaakka'ya Magano ikkoottoha, ate galaxxeemmohe; ayirrisi'reemmohe. Ati egennonna wolqa oottoe; huuccatto'ya macciishshite, mootete haaqeete tiro kuloottoe» yii.

LUQAASI 21:15

Ani, baarigaarra'ne garta'nera dandiitannokki hayyonna egenno eemmo'nena.

YOHAANNISI 6:45

Himanaanote maxaaffa giddo, ‹Mannu baalu Maganuwiinni rosanno› yine borreessinoonni. Kunnira, Anni'yawiinni macciishshe rosinohu baalu anewa daanno.

YAIQOOBI 1:17

Dancha eltonna wo'mu atooti baalu Maganuwiinniiti. Kuni daannohu caalu gede doyannokkihu woy soorramannokkihu xawaabbu Anni Maganuwiinniiti.

YAIQOOBI 1:5

Ki'ne giddo egenno xe'inosihu hee'riro, Magano huucci'ro; Maganuno aannosi. Isi ayeno mishikkinni baalunkura elate shooshaqa Maganooti.