LAWISHSHA 2:5 - Qullaawa Maxaafa

⁵ Hatto assittoro, Kaaliiqa waajjinanni gara afatto. Maganu coyeno seekkite buuxatto.

LAWISHSHA 2:5 ပူးပေါင်းရင်းမြစ်များ

IYYOOBI 28:28

Maganu mannaho, «Kuneeti, Mooticha waajja egennote; bunshetewiinni fafano afate» yiino.

LAWISHSHA 1:7

Kaaliiqa waajja egennote umoho. Hawanyootu egennonna seejjo mishshanno.

LAWISHSHA 28:7

Seera agadhanno beetti egennaamoho; tafaafurrootu ledo hosannohu kayinni annasi saalfachishanno.

LAWISHSHA 8:17

Ani baxxannoere baxeemma; hasidhannoeri afidhannoe.

LAWISHSHA 9:10

Kaaliiqa waajja egennote umoho. Qullaawa Magano egennittoro wodancha afi'ratto.

ISAYAASI 33:6

Techo geeshsha hee'rankera kaiminke isooti; mannaho gato, hayyonna egenno aanno; Kaaliiqa waajja ninkera lowo jirooti.

ERMIYAASI 24:7

Anino ane Kaaliiqa afanno wodana eemmonsa. Hakkunni gedensaanni wo'mu wodaninsanni anewa higganno daafira, manna'ya ikkitanno; anino Maganonsa ikkeemmo.

ERMIYAASI 31:34

Ajuno akkaluno egennannoe daafira, jaalasi woy rodoosi, ‹Kaaliiqa egenni› yee rosiisannohu dihee'ranno; saonsano agureemmonsa. Hakkunni gedensaanni cubbonsa diqaageemmo. Konne coye coyi'roommohu ani Kaaliiqaati» yii.

ERMIYAASI 9:24

Ku'la hasi'rihu, ane egennasi, bagamannokki baxilliha ikka'yanna, halaalenna taalo yoo yeemmohu, ani Kaaliiqa ikkoommota buuxasi ku'lo; ane hagiirsiisanno coyi konneeti» yii.

HOOSEI 6:3

Amme, Kaaliiqa afate lowo geeshsha diinaggaambona. Isino soodimari xawaabbinna baatto duushshannohu badheessi xeeni gede addinta ninkewa daanno» yaanno.

MAATEWOOSI 11:27

Anni'ya baalanka coye uyinoe. Annu ka'a Beetto egenninohu ayino dino. Beettu ka'a Anna afinohu ayino dino. Beettu leellishinonsare agurranna Anna afinohu dino.

LUQAASI 10:22

«Wo'manka coye Anni'ya uyinoe. Beettu ayetiro Anna agurranna afinohu mittuno dino. Beetto agurranna woy Beettu xawise kulinosiha agurranna Anna afannohu mittuno dino» yii.

YOHAANNISI 17:3

Hegere heeshshono, ati callu halaalaancho Magano ikkoottotanna soottoha Yesuusa Kiristoosa afate.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.