LAWISHSHA 19:6 - Qullaawa Maxaafa

⁶ Lowo manni jajjabbu ledo baxamara hasi'ranno; anga hiixatannohura baalunku jaalaho.

LAWISHSHA 19:6 ပူးပေါင်းရင်းမြစ်များ

KALAQAMA 32:20

wolentenni, ‹Kuneeti soqqamaanchikki Yaiqoobi badhenkeenni daanni no› yaa habbinoonte» yii. Togo yiinohuno, «Alba assine massinanni afanshinni araarameemmo; hakkunni gedensaanni isinni xaadeemmo woyite albasi la"a dandeemmo» yee hedinohuraati.

KALAQAMA 42:6

Hatte yannara Yooseefi gobba gashshe no; gobba baalatenni daanno mannira gide hirannohuno isooti. Yooseefi roduuwino hakkiira iillite uminsanni baatto kissanni iso keere haadhusi.

KALAQAMA 43:15

Kunnira, Yooseefi roduuwi hakkonne afansha, birrano lame anga assite Biiniyaamino haadhe hadhu; marte Gibitse iillite, Yooseefi albaanni uurritu.

FAARSO 45:12

Xiroosi seenni afansha haa're abbannohe; dureeyye baxantahera yite albakkiinni loollaabbanno.

LAWISHSHA 16:15

Mootete albi hisatiro, heeshsho no; ellesino badheessi xeena amadino gomichi gedeete.

LAWISHSHA 17:8

Mitu mannira gubbo itisa kii'la labbannonsa; gubbisatenni baalunkuri qinaannonke yite agadhitanno.

LAWISHSHA 18:16

Afansha aannohura doogo fa'nantannosi; jajjabbu albira shiqanno gede assitannosi.

LAWISHSHA 19:12

Mootete hanqi doobbiichu ittana gedeeho; mootete albaanni ayirrinye afi'ra kayinni hayissote aani loji gedeete.

LAWISHSHA 21:14

Maanxe uyinanni afanshi hanqo qiissanno; kikki'late amande uyinoonnirichi, aara gabbi assanno.

LAWISHSHA 29:26

Lowo manni gashshaanchu yaannore agadhanno; taashshannohu kayinni Kaaliiqa callaati.

MAATEWOOSI 2:11

Minira e'e qaaqqo amasi Maariyaami ledo nooha affe, guluphite kumbuultusi. Hakkunni gedensaanni ogorransa fante culka, hixaananna kaarbe afansha assite uyitusi.

ROOMU SOKKA 6:23

Cubbu laalchi reyote; Maganuwiinni afi'nanni ba'raa'ri kayinni, Mootichinke Kiristoosi Yesuusi widoonni hegere heeshshooti.