LAWISHSHA 17:3 - Qullaawa Maxaafa

³ Birranna culka giiratenni daashshinanni. Mannu wodana kayinni Kaaliiqi fonqole la"anno.

LAWISHSHA 17:3 ပူးပေါင်းရင်းမြစ်များ

UMI DUDUWO 29:17

Ati mannu baalunku wodana fonqolte la'e, ammanamino manninni hagiidhattota afoommo. Konne baala atera baxe oommohehu, halaalunniitinna taalotenniiti. Qoleno konne gamba yee noohu mannikki atera afansha aatenni lowo geeshsha hagiidhinota afoommo.

IYYOOBI 23:10

Ani ha'reemmo doogo egennino; fonqole la"annoe woyite, culku gede xalala ikkoommota afanno.

IYYOOBI 28:1

Birra umme fushshinanniwinna, culka daashshine ximbiimbanniwi no.

FAARSO 139:23

Magano'ya ballo, fonqolte fonii'yatano afi; jiffe laie; hedo'yano afi.

FAARSO 26:2

Kaaliiqa, fonqolie; qonqolchite laie; wodana'yanna hedo'ya keeraancho assie.

FAARSO 66:10

Magano! Giiratenni daashshinanni birri gede, ninkeno fonqolte laoottonke.

LAWISHSHA 15:11

Jeennaatu giddo noore afanno Kaaliiqi, mannu wodani giddo noore hiitto afa hooganno?

LAWISHSHA 16:2

Mannaho ha'ranno doogo baala garalla labbannosi; Kaaliiqi kayinni wodanu mu'ra la"anno.

LAWISHSHA 17:2

Jallaaga gashshaanchu beetto busulu borojjichi murrisanno; roduu gede ledosi iqqa beeqqanno.

LAWISHSHA 21:2

Mannaho ha'ranno doogo baala garalla labbanno; Kaaliiqi kayinni wodanu mu'ra la"anno.

LAWISHSHA 27:21

Birranna culka giiratenni fonqolle la'nanninte gede, mannu ewelumma bande anfannihuno, isi daafira wolootu dudubbanno duduwinniiti.

ISAYAASI 48:10

Birra giiratenni daashshinannihu gede, ki'neno qarru giiranni daashshoommo'ne; ikkollana mittoreno tidhitinoonnikkire ikkitinoonnita buuxoommo.

ERMIYAASI 17:10

«Ani Kaaliiqi kayinni, mannaho ha'rinshosinna qaafosi garinni loosisita aate, mannunniha wodananna, hedosi baala fonqole laeemmo.

HIZIQEELI 22:18

«Koo manchi beetto, Israeelete manni anera mittore diledannoe; insa birra daashshinihu gedensaanni hundaho shaarra ikkite gattanno camo, qorqorro, siwiilinna irsaasete gedeereeti.

DAANIEELI 11:35

Egennaammu giddonni mito mitoho lowo qarri iillannonsa; ikkeennano kunninni kainohunni ko'rishantenna ximbiiwante fultanno. Kuni coyi Maganu hedinoti goofimarchu yanna iillita geeshsha keeshshanno.

ZAKKAARIYAASI 13:9

Gatinoha mitte anga ikkanno manna haa're giiranniwa masse, birru gede daashshe, culku gede fonqole xalaltanno gede asseemmonsa. Hakkunni gedensaanni anewa higge huuccidhanno; anino dawareemmonsa. Anino, ‹Ki'ne manna'yaati› yeemmonsa; insano, ‹Kaaliiqi Maganonkeeti› yitannoe» yaanno.

MARRO 8:16

Gedensaannino seyanno'neta affinanni gede assa'neranna jife la"a'nera, annuwa'ne affe egentinokki sagale menna halallitte baattora itisino'ne.

MARRO 8:2

Magani'ne Kaaliiqi hajajosi agadhitinannitanna hoogginannita afara, affinanni gede assa'neranna jife la"a'nera kunni shoyilluu diri giddo tenne halallitte baatto baalate asse haa're ha'rino'ne gara qaagge.

UMI PHEEXIROOSI 1:7

Hakku qarri iillanno'nehu ammana'ne halaalaanchimma buuxateeti. Ba"anno culka nafa giiratenni fonqolle la'nanni; culkunni roore ayirrado ammana'neno hattonni fonqolama hasiissannose. Tini fonqolantinoti ammana'ne Yesuusi Kiristoosi daanno barra galata, ayirrinyenna gaamaarre uyitanno'ne.

YOHAANNIS AJUUJA 2:23

Oososeno reyotenni qorichisheemmo; beetekiristaanna baala, mulenna mudukko laeemmo Magano ikkoommota affanno. Mittu mittunkura loosi'ne garinni eemmo'ne.