LAWISHSHA 17:23 - Qullaawa Maxaafa

²³ Bushu manchi halaale dawisara yee, maaxe gubbo itanno.

LAWISHSHA 17:23 ပူးပေါင်းရင်းမြစ်များ

FULO 23:8

Yoo yaanno manchira ille ballisse, keeraanchu qarramanno gede assitannona gubbo ittooti.

LAWISHSHA 17:8

Mitu mannira gubbo itisa kii'la labbannonsa; gubbisatenni baalunkuri qinaannonke yite agadhitanno.

LAWISHSHA 18:16

Afansha aannohura doogo fa'nantannosi; jajjabbu albira shiqanno gede assitannosi.

LAWISHSHA 21:14

Maanxe uyinanni afanshi hanqo qiissanno; kikki'late amande uyinoonnirichi, aara gabbi assanno.

ROSIISAANCHO 7:7

Beebba loosa egennaamo mancho gowwissanno; gubbo ita wodana huntanno.

ISAYAASI 1:23

Albisootikki hajajantannokkirenna mooraanote jaalla ikkitino; baalunku gubbonna afansha hasidhannoreeti. Annanna ama shiidhino oosoha halaalensa diagartanno; galte shii'rino meenti ku'lono dimacciishshitanno.

ISAYAASI 5:23

Gubbo itte sao assinoha keereensite, gawajjamino manchi halaale dawissannorira aanne'e!

HIZIQEELI 22:12

Mannikki giddonni mitu mitu manna shaate woxe adhitanno; mitu mitu uminsa mannira Israeelete nafa qallote liqiissitanno. Insa hanaaqqe doogimale duroo'mitanno; ane horonta habbino. Konne coye coyi'reemmohu ani Mootichu Kaaliiqaati.

HIZIQEELI 22:27

Roorrootinsa, shitino saada bibbiddanno hiyyeeyye gedeereeti; hanaaqunni duroo'mitara yite manna shitanno.

MIKIYAASI 3:11

Katamu mootoollano yoo uyitannohu gubbo itteeti; qeesootinsa jajja uyinikkinni dirosiissanno; himanaanonsano woxiweello himana dicoyidhanno. Kuni duuchu ikke hee'reenna, «Kaaliiqi ninke ledo noo daafira mittu qarrino di"iillannonke» yitanni Kaaliiqa hexxitanno.

MIKIYAASI 3:9

Ki'ne halaalaanchimma gibbinanniri, halaale kaphoho soorritinanniri Israeelete gashshaano konne coye macciishshe.

MIKIYAASI 7:3

Bushino coye assate addintanni busulootaho. Gashshaanchunna daanyu gubbo ita hasidhanno. Roorrichu yorinore kulannonsa gashshaano, yortosi wonshate hakkawoyintenni isi ledo mitteenni ma'litanno.

MARRO 16:19

Yoo shokkishshinoonte; godowa hossinoonte. Gubbo egennaammu ille ballisse, halaalaanote qaale shokkishshannona gubbo ittinoonte.

UMI SAAMUEELI 12:3

Kuneeti alba'neenni noommona, Kaaliiqinna isi buurino moote albaanni hanni affinoonnire coyidhe. Bootosi adhoommohu nooni? Harrichosi adhoommohu nooni? Dogoommohu nooni? Miicoommohu nooni? Halaale beeshshe gubbo itoommohu nooni? Kunni yuummo coyi giddo assoommori mitturi nafa hee'riro qoleemmo'ne» yiinsa.

UMI SAAMUEELI 8:3

Ikkollana insa anninsa doogo dihadhino; qiniite afidhara yite doogimale gede ikkitino. Nyaanyo ittanni yoono shokkishshino.