LAWISHSHA 17:14 - Qullaawa Maxaafa

¹⁴ Coye kayisa, wayi gammala kurkure xullo fushshate ledo mittete; kunnira gibbo ka'ukkinni coyi'ransho aguri.

LAWISHSHA 17:14 ပူးပေါင်းရင်းမြစ်များ

LAYINKI SAAMUEELI 19:41

Hakkawoyintenni Israeelete manni baalunku moote noowa kae daye, «Moote, roduuwinke Yihudu manni ate, maatekkinna ledokki noo manna Yordaanoosi fushshi woyite mayira maaxinke?» yitu.

LAYINKI DUDUWO 13:17

Abiyanna mannisi, Israeelete olanto lowo geeshsha gawajjitu. Kunni olinni Israeelete giddonni 500,000 jawaata olanto reyitino.

LAYINKI DUDUWO 28:6

Yihudu manni iso annuwansa Magano Kaaliiqa agurino daafira, Kaaliiqi mitto barra Israeelete moote Remaaliya beetti Faaquhe 120,000 jawaata bagadaano shee gudanno gede assino.

LAWISHSHA 13:10

Boo'naleeyye gibbo kalaqqanno; amaallannire adhitannori kayinni egennaammaho.

LAWISHSHA 14:29

Cincanno manchira lowo wodancha noosi; rahe hanqannohu kayinni gowwimmasi leellishanno.

LAWISHSHA 15:1

Shaqqadu arrawi hanqo qiissanno; kaajjadu qaali kayinni hanqo kakkayisanno.

LAWISHSHA 16:32

Bareedunkunni cincaaleessu woyyanno; katama qeele gashshino manchinni, umosi qeele galinohu rooranno.

LAWISHSHA 17:19

Gibbo hasannohu cubbo baxannoho; naaxxaleessu umisira bao abbi'ranno.

LAWISHSHA 19:11

Egenno mannaho cinca uyitanno; koma amada agura ayirrinyeho.

LAWISHSHA 20:3

Gibbotewiinni fafa ayirrinyeho; gowwu kayinni gibbo baxanno.

LAWISHSHA 25:8

Halaalu wolunniha ikkeenna garante saalfatattokki gede, mitto coye affanni heedhenni muddante gashshaanonniwa massitooti.

LAWISHSHA 26:21

Cilaatte kashilo, haqqe giira kalaqqannonte gede, hanqaaleessu manchi gibbo halashshanno.

LAWISHSHA 29:22

Hanqaaleessu manchi gibbo kayisanno; aaramanno manchi sao batisanno.

ROOMU SOKKA 12:18

Dandiitiniha ikkiro, ki'ne widiidita mannu baalu ledo keere heedhe.

UMI TESELONQE 4:11

Ga'labbitte heeshsho heedhe; alba kullummo'nente gede diinagge'nenna anga'nenni loosi'ra habbinoonte.