LAWISHSHA 16:5 - Qullaawa Maxaafa

⁵ Kaaliiqi boonaleessa wodana tiyyi're giwanno; hakko wodanihu qorichishamikkinni gatannokkita egenne.

LAWISHSHA 16:5 ပူးပေါင်းရင်းမြစ်များ

IYYOOBI 40:12

Seekkite la'e saalfachishinsa; bushuulle rahotenni cancani.

FULO 20:7

«Ane Magani'ne Kaaliiqi su'ma doogimale kayissinoonte; doogimale su'ma'ya kayisannohu dikeeraawanno.

LAWISHSHA 11:21

Bushu manchi horonta qorichishamikkinni digatanno; keeraano kayinni gattanno.

LAWISHSHA 16:4

Baalanka coye Kaaliiqi hajasira yee assino; bushuulleno baote barrira worino.

LAWISHSHA 16:6

Baxillunna ammanama cubbo agursiissanno; Kaaliiqa waajja cubbuwiinni agartanno.

LAWISHSHA 6:29

Manni galte ledo goxannohuno hattooti; hattoo manchi qorichishamikkinni digatanno.

LAWISHSHA 8:13

Kaaliiqa waajja bunshe giwate; ani boo'nanna boollaqi'ra giweemma; bunshenna sarraanqanni coye dibaxeemma.

ISAYAASI 2:11

Haxawarrootu ille baatto la'annohunna boonaleeyye umo heeshshi yitanno barri daanno; hatte yannara Kaaliiqi callu ayirranno.

ISAYAASI 2:12

«Ani wolqaataamoho» yee naaxxannoha baala hatte yannara Olantote Mootichi Kaaliiqi shollishanno.

ISAYAASI 3:11

Sao assitannori kayinni wolootu aana assitino sao daafira malinonsa qoricha adhitannona insara aanne'e!

ERMIYAASI 13:15

Coyi'ranni noohu Kaaliiqaatina, ki'ne Yihudu manni boo'na'ne agurtine, wodana assitine macciishshe.

YAIQOOBI 4:6

Ikkirono Qullaawu Maxaafi, «Maganu boonaleeyye giwanno; jooguulleho kayinni eltosi aanno» yaanno daafira, Maganu aanno elto baalunkurinni roortanno.