LAWISHSHA 15:5 - Qullaawa Maxaafa

⁵ Gowwu beetti annu seejjo mishanno; seejjo adhannohu kayinni busuleho.

LAWISHSHA 15:5 ပူးပေါင်းရင်းမြစ်များ

UMI DUDUWO 28:20

Moote Daawiti beettisi Selemoonira, «Mitte giddohanna muratoottoha ikki; waajjittokkinninna wolqa baittokkinni looso hanafi. Soqqameemmosihu Magani'ya Kaaliiqi ledokki no. Isi Qullaawa Minesi minte gudatto geeshsha atewiinni dibaxxanno; diagurannohe.

UMI DUDUWO 28:9

Daawiti Selemoonira, «Beetto'ya Selemooni! Ane annikki Magano egennatto gede, wo'mu wodaninninna hagiidhitino hedonni soqqamattosi gede kuleemmohe. Isi hedonkenna halchonke baala egennino; isiwa gamba yiittoro, isino atewa gamba yaannohe; agurittosiro kayinni hegere geeshsha agurannohe.

FAARSO 141:5

Danchu manchi shaqqillunni qorichishaeranna seejjaera dandaanno; bushu manniwiinni ayirrinye nafa diadheemmo; wo'manka woyite busha loosonsa giwatenni huuccatto assi'reemmo.

LAWISHSHA 1:23

Seejjo'ya macciishshe; dancha amaale'ya fane agureemma'ne; egenno'yano beeheemma'nena.

LAWISHSHA 1:7

Kaaliiqa waajja egennote umoho. Hawanyootu egennonna seejjo mishshanno.

LAWISHSHA 10:1

Selemooni lawishshuwa kunninni aante noote: Egennaamu beetti annasi hagiirsiisanno; hawanyu kayinni amasi dadillisanno.

LAWISHSHA 13:1

Egennaamu beetti annisi seejjo macciishshanno; haariimaanchu kayinni so'rosi horonta diammananno.

LAWISHSHA 13:18

Seejjo giwanno manchi buximatenna shollinyu aana uwanno; yinoonnita macciishshannohu kayinni ayirranno.

LAWISHSHA 15:4

Shaqqadu arrawi hursanno; xagaraamu arrawi kayinni wodana hiiqqanno.

LAWISHSHA 15:6

Keeraanchu manchi mine jiro wo'mitanno; bushu manchi jiro kayinni qarra abbitanno.

LAWISHSHA 19:20

Amaale macciishshi; seejjono adhi; hakkunni gedensaanni egennaamo ikkatto.

LAWISHSHA 25:12

Egennaammu seejjo macciishsha, culku qalawate woy culku irri gedeete.

LAWISHSHA 6:23

Hajajonsa caabbichoho; rosiishshinsano xawaabbaho; seejjonsano hee'ratto gara kultannohe.

TIITO 1:13

Tini farci'ro halaaleho; kunnira wo'ma ammana heedhannonsa gede konne manna seejji.

TIITO 2:15

Konne coye baala rosiisi; wo'ma roorrenni seejji; hayi yii; ayino mishoonkehe.