LAWISHSHA 15:26 - Qullaawa Maxaafa

²⁶ Kaaliiqi bushu manchi hedo giwanno; fayyaaleessu coyi'ranno coyi kayinni hagiirisiisannosi.

LAWISHSHA 15:26 ပူးပေါင်းရင်းမြစ်များ

FAARSO 19:14

Kaaliiqa eeggate, ati irko'yaatinna wodattoehona, afii'ya qaalinna wodani'ya hedo ate albaanni biiffinota ikkito.

FAARSO 45:1

Wodani'ya dancha coye malanno; geewo'yano mootete kuleemmo; arrawi'ya rahino borreessaanchi biire gedeeho.

LAWISHSHA 11:20

Kaaliiqi busha hedo noonsare giwanno; halaalaancho doogo hadhannore kayinni baxanno.

LAWISHSHA 15:23

Labbino dawaro qola hagiirsiissanno; yannasira coyi'noonni coyi hiittoo danchaati!

LAWISHSHA 15:25

Kaaliiqi boonaleessu mine diiganno; galte shiidhino mancho jajja kayinni agaranno.

LAWISHSHA 15:27

Hanaaqe jiro gamba assi'rannohu, minisira qarra abbi'ranno; gubbo itannokkihu kayinni seeda diro hee'ranno.

LAWISHSHA 16:24

Shaqqadu arrawi malawu leooti; lubbote coommanno; miqichono hursanno.

LAWISHSHA 24:9

Hawanyu malanno mali cubbo callaho; haariimaancho mannu baalu giwanno.

ERMIYAASI 4:14

Yerusaalame, gata hasi'rittaro wodanikki giddonni bunshe huni; sao giddo wodhite mageeshshi geeshsha keeshshatta?

MAATEWOOSI 15:19

Hakkuri: busha hedooti, manna shaate, foorrete, baashaawate, moorate, beebba coyi'rate, mannu su'ma hunate; kuri baalu mannu wodani giddonni fulanno.