LAWISHSHA 15:25 - Qullaawa Maxaafa

²⁵ Kaaliiqi boonaleessu mine diiganno; galte shiidhino mancho jajja kayinni agaranno.

LAWISHSHA 15:25 ပူးပေါင်းရင်းမြစ်များ

IYYOOBI 24:21

«Kuni baalu iillinonsahu, ilaweelo meento wolqatenni ittannohuraatinna, galte shii'rino meento marartannokkihuraati.

FAARSO 10:14

Ati Maganu kayinni qarranna shetto la"atto; wo'manka woyite towatate qixxaawaho; hawaaxamu irkisattosira atewa shiqanno; annanna ama hoogginoreno ati kaa'latto.

FAARSO 138:6

Wo'munkura Aliidiha ikkite heedhenni jooguulle towatatto; bonaleeyyeno albikkinni go'litara didandiitanno.

FAARSO 146:9

Kaaliiqi gobbansanni xiiwante fultinore agaranno; gunnootanna buxo kaa'lanno; bushuullu kayinni ba'anno.

FAARSO 52:1

Ati wolqaataamo mancho! Bunshekkinni mayira naaxxatto? Wo'manka woyite mayira sao assatto?

FAARSO 52:5

Kunnira, Maganu hegerera diigannohe; minikkinnino fushshe hunannohe; baattote aaninnino buqqisannohe.

LAWISHSHA 12:7

Bushu manni higannokki gede ikke ba"anno; keeraanote ilama kayinni hegerera heedhanno.

LAWISHSHA 14:11

Bushu manni mini diigamanno; keeraanote dukkani kayinni sigiige hee'ranno.

LAWISHSHA 15:26

Kaaliiqi bushu manchi hedo giwanno; fayyaaleessu coyi'ranno coyi kayinni hagiirisiisannosi.

LAWISHSHA 23:10

Alba worroonni danna xiibbooti; annanna ama afidhinokki ooso baatto adhitooti.

ISAYAASI 1:17

Danchare assa rosse. Halaalu dawannokki gede agarre; annanna ama hooggino oosoranna galte shii'rino meentira coyi'rammensa; gadadaammano kaa'lensa» yii.

ISAYAASI 2:12

«Ani wolqaataamoho» yee naaxxannoha baala hatte yannara Olantote Mootichi Kaaliiqi shollishanno.

ERMIYAASI 5:28

Insa maqalloonni booti gede missino; bunshensarano gawalo dino; annanna ama afidhinokki oosohanna, qarraataammu halaale dawissanno.

DAANIEELI 5:20

Ikkollana boonaleessa, hettisamaanchonna kakkacha ikkita, gaacheenisi mulqameenna ayirradu barcimisi aaninni dirrino.

MARRO 19:14

«Magani'ne Kaaliiqi ragidhinara aanno'ne baattora ki'nera iillanno'ne iqqi aana albi manni worinoha olliichi'ne danna diigginoonte.

YAIQOOBI 1:27

Maganu Annu albaanni keeraanchonna battaabbinokki amma'no: Annanna ama shiidhino ooso, hattonni galte shii'rino meento kaa'la, tenne gobba ishinchiwiinni meessaneete agadhate.

UMI PHEEXIROOSI 5:5

Ki'ne wedelluno, cimeeyyete hajajamme. Baalunku joongille uddanote gede uddidhine mimmitoho soqqamme. «Maganu boonaleeyye giwanno; jooguulleho kayinni elto aanno» yine borreessinoonni.