LAWISHSHA 15:18 - Qullaawa Maxaafa

¹⁸ Rahe hanqanno manchi gibbo kalaqanno; cincaaleessu kayinni hanqo qiissanno.

LAWISHSHA 15:18 ပူးပေါင်းရင်းမြစ်များ

LAYINKI SAAMUEELI 19:43

Israeelete manni qole, «Isi ki'nera gamba yiinoha nafa ikkiro, 10 ga're ikkinoommo daafira gashshootisi roore ninke la"anno. Ki'ne ninke mayira mishshinanninke? Moote qolate balanxe coyi'noommori dininkeeti?» yii. Ikkollana, Israeelete manninni roore Yihudu manni Daawiti uminsaha assi'rate heewisami.

LAWISHSHA 10:12

Gibbo koma kalaqqanno; baxillu kayinni so'ro baala diwanno.

LAWISHSHA 14:29

Cincanno manchira lowo wodancha noosi; rahe hanqannohu kayinni gowwimmasi leellishanno.

LAWISHSHA 15:1

Shaqqadu arrawi hanqo qiissanno; kaajjadu qaali kayinni hanqo kakkayisanno.

LAWISHSHA 15:19

Cee'maleessu doogo utunni huxxinoonnite; qinaadu doogo kayinni xalalate.

LAWISHSHA 16:14

Mootete hanqi reyo abbanno; egennaamu manchi kayinni hanqo qiissanno.

LAWISHSHA 16:28

Shokkashshu manchi gibbo wixanno; hemaanchuno jaala jaaluwiinni badanno.

LAWISHSHA 22:24

Hanqaaleessu manchi ledo jaaloontooti; aaramino manchi ledono hadhooti.

LAWISHSHA 25:15

Wodaninni coyi'ra gashshaancho ammansiissanno; ga'labbichu hasaawi miqicho eanno.

LAWISHSHA 26:21

Cilaatte kashilo, haqqe giira kalaqqannonte gede, hanqaaleessu manchi gibbo halashshanno.

LAWISHSHA 28:25

Hafuuraamu manchi gibbo kalaqanno; Kaaliiqa addaxxannohu kayinni duuwanno.

LAWISHSHA 29:22

Hanqaaleessu manchi gibbo kayisanno; aaramanno manchi sao batisanno.

ROSIISAANCHO 10:4

Cinca lowo hanqo gabbi assitannona, roorrichikki hanqannohe yannara dargakki agurtooti.

MAATEWOOSI 5:9

Araarsitannori ba'raadhinoreeti; Maganu oosooti yinanninsana.