LAWISHSHA 15:15 - Qullaawa Maxaafa

¹⁵ Qarraataammaho barru baalu yaaddote; hagiirraammaho kayinni wo'manka woyite jilaho.

LAWISHSHA 15:15 ပူးပေါင်းရင်းမြစ်များ

KALAQAMA 37:35

Oososinna seennisi baalunku sheshifachishshasira daggu. Isi kayinni «Manchite hee'renni beetti'yawa jeennaate dirreemmo» yee sheshifata giwi. Kunnira manchitanni hee'ri.

KALAQAMA 47:9

Yaiqoobino, «Basetenni base sa"anni hee'roommohu 130 dirooti; kunino haranchohonna qarru bati'rino dirooti; annuwa'yahu geeshshano di"ikkino» yiisi.

LAWISHSHA 15:13

Wodanu hagiidhiro albu xawanno; dadillu kayinni wodana hiiqqanno.

LAWISHSHA 15:14

Egennaamu egenno hasi'ranno; gowwu kayinni gowwimmasi corqanno.

LAWISHSHA 15:16

Duroo'mine qarru giddo hee'rantenni, bunxe hee'ne Kaaliiqa waajja roortanno.

LAWISHSHA 16:22

Afi'rino manchira egenno heeshshote buichooti; gowwaho kayinni gowwimmasi qorichasiiti.

LAWISHSHA 17:22

Hagiirraamu wodani mannimmate fayyimma aanno; dadillaamu wodani kayinni mannimma maniissanno.

SOQQAMAASINETE LOOSO 16:25

Hashshu taalootira Phaawuloosinna Silaasi huuccattotenninna faarsotenni Magano galaxxitanna, wolu usuranyino macciishshi.

ROOMU SOKKA 12:12

Hexxotenni hagiidhe; qarru yannara cince; jaattine huuccidhe.

ROOMU SOKKA 5:11

Konne calla ikkikkinni, Maganu ledo araarsinonkehu Mootichinke Yesuusi Kiristoosi widoonni hinge Maganunni hagiidhineemmo.

LAYINKI QORONTOOSI 1:12

Ninke adawadhineemmo coyi konneeti: Kuni coyi halaale ikkinota tii"inke kulannonke. Wolu manninna roorsineno ki'ne ledo noonke xaadi, Maganuwiinni afi'noommo qullaambenna sumbete aana xintaminoho. Kuni ikkinohu, Maganu eltonniiti ikkinnina mannu egennonni di"ikkino.

LAYINKI QORONTOOSI 1:5

Kiristoosi qarra batinse adhineemmonte gede, jawaanteno Kiristoosi widoonni hala'litannonke.

LAYINKI QORONTOOSI 6:10

Dadillu amadinkerono, wo'manka woyite hagiirraammaho. Buxane ikkine hee'nenni, lowo manna duroonsineemmo. Noonkerino hoogiro, baalunkuri ninkeho.

UMI PHEEXIROOSI 4:13

Hatteentenni, ayirrinyisi leellanno waro lowo geeshsha tashshi yaanno'ne gede, Kiristoosi qarra beeqqitinanni deerrinni hagiidhe.